LUKA 10:15 - PATHIAN LEKHABU THIANGTHO (BSI)

¹⁵ Nang Kapernaum, van tiang in choisa’n hiding la hem? Mithi khua tiang ah sotthâk ah um ding lei vei!

LUKA 10:15 ပူးပေါင်းရင်းမြစ်များ

THILSIAM THU 11:4

Amau chun, “Kisau in, khawpi siam hitiu; chuleh, In sâng vân supha hial ah sâng in bawl hitiu in, I min uh thansak hitiu; achutiloleh, lei chung zosia ah hin thejak in hung um kha tawl hitiu,” a tiu a.

ISAI 5:14

Ziaziakchun, Sheol gilkialna a hi’pung un, te’ theilo ding khop ah lian in a kam a ka lian tai; Jerusalem ah miliante leh, a mipite leh ama ah khawhelo khop ah husa leh, kiletsakpi zosia chu a lût suk tau hi.

JEREMIAH 51:53

Babulon chu van chan ah kal sâng in, a kulbângte sâng tak in siamdet ma leh, ama susia dingte chu keima ah kipat in, a chung un tung ding ahi ngâl a, Lalpa‘n a tii.

EZEKIEL 26:20

tuan ah tâng ah a la chiasate zotna, Mithi khua lam ah ka hun sot lût phat leh, tuan ah tâng ah mithi khua a la chêngsate lak in, nuaimi lam ah chêng ding la hitâk ziakin, mihingte chênna khawvel ah hin mun nei ta pua’n la tin, a lak unle chêng ta pua’n la.

EZEKIEL 31:18

Eden huan ah thing um zosia lak in, lopina leh letna’ nang tawh te’thei ding a um em? Tu’hin, Eden huan ah thingte tawh nuaimi gam ah pui suk hi’n la tiu in; chemjam ah kithatte lak ah chun, zektanlote lak in lum ta’n la. Zia hi Pharaoh leh a lawite chu a hiu, Lalpa Pathian in a ti ahi, ti’n a gen tai.

EZEKIEL 32:18

Mihing, Aigupta mite zosia â dingin thûm inla, Aiguptate tawh nam minthangte chanute zosia tawh, Mithi khua chiate tawh a leng un nuaimi gam ah pai lut in.

EZEKIEL 32:20

Chemjam ah thite lak in pang ta’n au. Aigupta chu chemjam khut ah piakdaw a hita’n; ama leh a lawite chu a paw mang tau hi.

EZEKIEL 32:27

Masang lai pek ah a gâlvanteu tawh, Sheol ah chia suk gâlhatte lak in a pang puau ah, a chemjamte chu a khapchâk un, a phawteu chu a guteu chung in a koi un; zia mi hangsante tizat umna chun, mihing gam ah um nalaite a sudîpchâk nalai hi.

OBADIAH 1:4

Mupi gual ah sâng tak in leng male chin, aksite lak ah bû sia male chin, zia kipat chun hun latha ding ka hi, Lalpaa tii.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

MATTHAI 4:13

Nazareth khua nusia in, Kapernaum khua’n a chêngden tai; zia chu Zebulun leh Naphtali gam ah Dil gei ah um ahi’n;

LUKA 13:28

Tichun, Abraham, Isak, Jakob leh jawlneite zosia chu Pathian gam ah chun mu’n la tiu in, nangmau chu pawlam ah um la hiu la kihet tak ua leh, kap leh hagial in um ta’n lau.

LUKA 16:23

Mithi khua chun nat genthei tak thuak in a um ta’n; a dakdaw leh, gamla tak ah Abraham ângsung ah Lazar um chu a mu tai.

DAN LEKHABU 1:28

Khoilam zuan I hitau em? I unauteu in, A gam ah chêngte chu ei haw sâng ah hatzaw leh sangzaw ngen a hiu ah; a khawpiteu chule a lian in van supha khop hial ah kulbâng sâng nei ngen a hiu; zia tak ah chun Anak suante chule ka hun mu malam ngei ngei ui!, a ti nalai ua,” la tiu a.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.