LUKA 1:9 - PATHIAN LEKHABU THIANGTHO (BSI)

⁹ Lalpa munthiang ah lut ah gimtui hâl ding chu, thiampute bawldan ngai gual in, âisân in a têldok sek ui.

LUKA 1:9 ပူးပေါင်းရင်းမြစ်များ

1 KHANGTHU 23:13

Amram chate chu: Aron tawh Mosi a hiu a. Aron chu thilzek thiangtho pente la’n thiangtho ding ah guat a hita’n; ama leh a chate chu Lalpa ma-âng ah thillân in pangden ta’n tiu in; zia nasep chu tawh Lalpa min ah maljawlna thusap thua zing ta’n au.

1 KHANGTHU 6:49

Himaleh, Aron leh a chapate chun vang Pathian in Mosi kiangah thu a piak dungzui ah, mâichâm ah hâlmang thillat lân ding leh gimtui hâlna mâichâm ah lân ding ah, mun thiangtho pen ah Israelte tatna ding bawl ah sêm dingin a pang ui.

2 KHANGTHU 26:16

Himaleh, a hung hat phatin ama siatna ding bep in, a hung kiletsak ta’n. Lalpa a Pathian chung ah diklo tak ah thil hun bawl in, gimtui hâlna mâichâm ah Lalpa kiang ah kithoina lân dingin tempul ah chun a chia ta’n.

2 KHANGTHU 29:11

Ka chate haw, tu’hin thil mawk ngaidau mai mai ziang kiu in, Lalpa‘n a ma-âng ah ding ah, nasem leh a kiang ah thillat lân dingin a hun têldaw la hi’ngal un,” ti in.

KISIMNA LEKHABU 16:40

Israelte â ding ah tepte zing dingin, Aron suante hilo nam dang him him in, Lalpa ma ah gimtui hâl ding ah a hun nailona ding un; Lalpa chun Mosi kiang ah a la gen tâk gual in, zia gual ah bawl kit a um chun, Korah leh a lawite gual ah a manthailona ding un.

MATTHAI 27:5

A dangka chu tempul sung ah seplut in a nusia ah, a pawtdok ah, ama leh ama a vakikhâi lum tai.

HEBRAITE 9:6

Zia thilte chu zia gual ah chun siam ahi; thiampute chu Pathian na sêm in biakbûk pindan masa pen ah chun a lut sek ui.

1 SAMUEL 2:28

Israel nam zosia lakah kipat, ka thiampu nasep sêm ding leh ka mâichâm ah gimtui hâl ding ah chia to ding ah ka âng ah ephod ah kithuam dingin ka la têlchuam ta’n; chuleh, Israel mipi zosia’n mei ah a thillatteu chu nang uh Inkuan chan dingin ka la pia ta ahi.