LUKA 1:6 - PATHIAN LEKHABU THIANGTHO (BSI)

⁶ Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

LUKA 1:6 ပူးပေါင်းရင်းမြစ်များ

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 6:9

Ziate hi Noah suante a hiu: Noah chu midik leh ama khang ah mite lak ah demna bei ahi: Noah chu Pathian tawh a kivop zing ui.

THILSIAM THU 7:1

Lalpa’n Noah kiang in, “Nang leh la chanaute zosia long ah chun lût un, nang chu tu’lai khangthakte lak ah ka mit mu in midik la hi ti ka hun he ta’ngal a.

1 LENGTE 15:5

Hit mi Uriah chung ah bep lo ngal, David in a damsung in Lalpa mit mu in thil dik ngen a bawl ah; a thupiak bangmatik in a kiheisan puai.

1 LENGTE 9:4

Nangma la hileh, la pa David ka mit mu ah lungthim diktatna leh phatna ah a la um gual ah la um ah, ka thupiakte zosia dungzui ah la bawl ah, ka thugelte leh ka dan bawlte zosia la vop zing ahi chun,

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

2 KHANGTHU 17:4

a pa Pathian lam chu nga’n, a dan thute chu zui in, Israelte umchan chu a zui puai.

JOB LEKHABU 1:1

Uz gam ah chun mi pakhat a um ah, a min chu Job ahi. Zia mipa chu demna bei leh mi diktat, Pathian lau leh thil phalo him him bawl ngai lo mi ahi’n.

JOB LEKHABU 1:8

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawh bang ah pha bukim, thutak, Pathian lau leh thil phalo lak ah kipat kisûm thei mi umlo ei ve,” a ti’n.

JOB LEKHABU 9:2

Zia chu vang thudik ahi ti ka henai; himaleh, Pathian âng ah mihing mai mai hi, thiamchang thei ding a hem?

SAM 119:6

La thupiak zosia ka ngaikhawk phat leh, mualpho lo hial ding ka hi.

LUKA 1:7

Elizabeth chu chîng ahi ziakin nau a nei puau ah, amau la a têk gêl tau a.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

LUKA 2:25

Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.

NASEPTE 2:25

David in a chung thu chu zia gual hin a la gen a: Lalpa chu ka âng in ka mu zing sek ah, ka kichawn lona ding in ama chu ka changlam in a um ah;

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

NASEPTE 8:21

Zia chung thu ah hin bangma chan nei pua’n la tin, pannale nei diak pua’n la; la lungthim chu Pathian mit mu’n a dik pawngal a.

ROMTE 8:4

taksa’n a sukzawngkhal ziak ah Dan in a bawlthei tâk lo chu, Pathian in a chapa chu gitlona taksa mêlpu’n, gitlo thoina ding ah hun sawl in, taksa ah gitlona chu thiamlo a hun chansak tai.

1 KORINTH 11:2

Bangkim ah ei hezing in, thugo ka hun piak la vop zing ziak un ka hun pakcha la hiu.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

DAN LEKHABU 5:33

La gam luana ding ua chu la dam sawt ua, lam zang tak ah la hin theina ding un, Lalpa la Pathian un thu a hun piak gual tak in la zop ding uh ahi, a tia.

PHILIPPI 2:15

Khangthak gilo leh lungkawite, khawvel ah a lak ua aksi vâkte gual ah la chênnateu lak ah, Pathian cha gensiat bei leh thiangtho,

KOLOSSA 1:22

tu’hin vang ama leisiat hinkhua taksa hun thi’sak in, thiangtho, demna bei leh mawchansak theilo ding ah a ma-âng ah a hun piakdaw theina ding in,

1 THESSALONITE 3:13

Chuleh, I Lalpa Jesu, a mithiangtho zosia tawh a hung phat leh, I Pathian leh I Pau ma ah thianthona lam ah demna bei ah la umtheina ding un, la lungthimteu hun hi’hat piak ta hen.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 2:3

A thupiakte I zop ua chun ama chu I hiau hi ti zia chun I hethei ui.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.