LUKA 1:30 - PATHIAN LEKHABU THIANGTHO (BSI)

³⁰ Vansawlchâk chun a kiang in, “Mari, lau kin, Pathian doisakna chang la hi.

LUKA 1:30 ပူးပေါင်းရင်းမြစ်များ

THILSIAM THU 6:8

Himaleh, Noah chun Pathian ja’ngaina a chang hi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

MATTHAI 14:27

Ziaphatchun, Jesu’n a kiang un, lungmuang tak in um un; keima ka hi, lau kiu in; a vak tingal tai.

MATTHAI 28:5

Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.

LUKA 1:13

Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

NASEPTE 27:24

ka kiang in, ‘Paul, lau kin, Lengpa Kaisar âng ah ding ngei ngei ding la hingal in, Long ah la chuan khawmpite zosia hile Pathian in a vênbit ei tai,’ ei ti hen.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.