LUKA 1:13 - PATHIAN LEKHABU THIANGTHO (BSI)

¹³ Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.

LUKA 1:13 ပူးပေါင်းရင်းမြစ်များ

THILSIAM THU 17:10

Zia hi kei leh nang leh la suante kikâl ah ka thuthung la vop zing ding uh chu ahi: la lak ua pawsal taphot a zek uh la tan ding uh ahi.

THILSIAM THU 17:19

Pathian chun, “Hilo e, la ji Sarah chun chapa hun hinpiak tak tak intin; a min chu Isak la sak ding ahi: Chuleh, ka thuthung chu ama leh a nung ah:

THILSIAM THU 18:14

Lalpa â dingin thil haksa talua a um ah a hem? Ka hun tiam a tun tak leh hung kit ing ka tiu in, Sarah hin chapa nei in a,” a ti piak ta’n.

THILSIAM THU 25:21

A ji chu a chîn ziakin Isak in Lalpa kiang in a don ah: Lalpa’n a dotna a lawtin ta’n; a ji Rebekah chun nau a hun vop tai.

SAM 113:9

Numei chîng chu chênna In a pia’n, chate â ding ah nu nuamsa leh kipak in a siam hi. Lalpa chu pâk un!

SAM 118:21

Ka pauchapna lei lawtin ziak leh, ka hukdampa la hung hi tâk ziakin, kipak thu ka hun gen hi.

ISAI 8:3

Chun, jawlneinu, ka ji kiang in ka chia ta’n; chuleh, nau a hun vop ah, chapa pakhat a hun hing ah. Ziaphatchun, Lalpa‘n, “A min dingin, Maher-shalal-hash-baz sak in,” ei hun ti ta’n;

DANIAL 10:12

Ka kiang in, “Lau kin Danial, hiatthiamna ding ah kingaitawm tak ah la Pathian kiang ah la lunggil la piak lim ah kipat khan, la thute chu ngaithâk a hita’n, la thute ziak ah keima la kiang ah hung ka hi.

HOSEA 1:4

Chun, Lalpa chun a kiang in, “A min dingin Jezreel a sa’n, a ziak chu, Jezreel thisan phuba chu Jehute Inkuan chung ah chom lo kâl sung in la ding ka hi; chun, Israel Inkuan lenggam chu sutawp ding ka hi.

HOSEA 1:6

Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

MATTHAI 14:27

Ziaphatchun, Jesu’n a kiang un, lungmuang tak in um un; keima ka hi, lau kiu in; a vak tingal tai.

MATTHAI 28:5

Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.

MARKA 16:6

Ama chun, a kiang un, “Lau kiun: Nazareth Jesu a khetden uh kha hawl hiding la hiu a; ama chu a thokit tai, zia hin a um ta puai; a kisialna mun hile en ma tiam un;

LUKA 1:14

Kipakna leh lungthim nopna nei in la tin; ama a hung pian in mi tam tak kipak in au.

LUKA 1:30

Vansawlchâk chun a kiang in, “Mari, lau kin, Pathian doisakna chang la hi.

LUKA 2:21

Nausen chu a zektan hun ding ni, ni giat ni chu a hung tun phatin, ama chu vansawlchâk in a nu sul sung ah a um ma a la genlawk sa ahi ziakin, a min in Jesu a sa tau hi.

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

VAIHAWMTE 6:23

Himaleh, Lalpa‘n a kiang in, “Lungmuang tak in um in; lau kin, thi’lo ding la hi,” a tia.

1 SAMUEL 2:21

Chun, Lalpa‘n Hannah chu a tepte ah; tichun, chapa pathum leh chanu pani a hun hing tai. Chuleh, naupang Samuel chu Lalpa ma’n a hung khanglian tai.