LUKA 1:11 - PATHIAN LEKHABU THIANGTHO (BSI)

¹¹ Gimtui hâlna mâichâm changlam pang ah chun, Lalpa vansawlchâk pakhat ding in a hung kilâk a.

LUKA 1:11 ပူးပေါင်းရင်းမြစ်များ

THIAMPUTE LEKHABU 16:13

thuthung thingkuang chung ah ja’ngaina chutpha chu meikhu’n a tuam theina ding leh a thi’lona dingin, gimtui chu Lalpa âng ah mei chung ah chun a koi ding ahi.

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

LUKA 1:28

Tichun, vansawlchâk chu a kiang in a hung a, “Chibai, nang nasa tak ah doichuam! Lalpa la kiang in a um hi,” a tia.

LUKA 2:10

Vansawlchâk chun a kiang un, “Lau kiu inla, ngai tiam un, mi zosia â ding ah chanchin kipak um tak ka hun tut hi.

LUKA 2:9

Lalpa vansawlchâk pakhat a kiang un a hung kilang phut ah, a kîmvêl uh chu Lalpa lopina’n a hun salvâk ta’n; a lau ma ma ziang ua.

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

THUPUAN 9:13

Chun, vansawlchâk pagukna chun a pengkul a mût leh, Pathian ma-âng ah sana mâichâm kî palite ah kipat in aw ka hia’n,

VAIHAWMTE 13:3

Chun, Lalpa vansawlchâk khat, numei kiang ah hung in, a kiang in, “La chîn ziak ah cha khat le nei lo himaleh chin, gâi in la tin, chapa hun nei ding la hi.

VAIHAWMTE 13:9

Pathian in Manoah dotna chu a ngaitha’n, tichun, a ji chu loulai ah a kichut lai tak in, Pathian vansawlchâk khat a kiang in a hun sawl ah; himaleh, a pawsal Manoah chu vang a kiang in a um puai.