KOLOSSA 3:3 - PATHIAN LEKHABU THIANGTHO (BSI)

³ La thi tau ah, la hinnau chu Pathian ah chun Khrista tawh sêlgûk in a um tai.

KOLOSSA 3:3 ပူးပေါင်းရင်းမြစ်များ

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 5:40

Himaleh, hinna la neina ding un ka kiang in la hung nuam puau hi.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

ROMTE 6:11

Zia gual ma chun, nang hawle gitlo lam thu ah chun a thisa’n kingai un; chuleh, I Lalpau Jesu Khrista jal ah chun, Pathian lam ah hing in kingai un.

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

1 KORINTH 15:45

Tichun, “Mi masa pen Adam chu mihing a hung hi tai,” ti zik ahi’n; Adam nunung zawk chu hinna pia thei thagau a hung hi tai.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

2 KORINTH 5:14

Khrista hepina chun ei sawl him him hi; mi zosia sik ah mi pakhat a thi tâk ziakin, mi zosia a thi tau hi, ka tiu ahi.

2 KORINTH 5:7

Muthei ah chia lo in, ginna’n I chia zawu ahi.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.

KOLOSSA 1:5

zia chu nang uh a ding ah kinepna, van ah koikhol ah a um ziak ahi. Zia kinepna chanchin ma chu tu’ma khan chanchinpha thutak thu la la he tau a.

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

KOLOSSA 2:3

Ama ah chun pilna leh hetna go zosia chu a kisêlgu ahi.

KOLOSSA 3:4

Khrista I hinnau chu a hung kilat phat leh, nang uh le ama tawh lopi in kilang ding la hiu.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 PETER 3:4

lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.