KOLOSSA 2:8 - PATHIAN LEKHABU THIANGTHO (BSI)

⁸ Chingthei tau in, chutilochun, kua’nle Khrista thu lo gual in, mihingte thugosia leh khawvel thubulte gual in, a thupilteu leh thepna mai mai un gâllâk in hun la kha’n au.

KOLOSSA 2:8 ပူးပေါင်းရင်းမြစ်များ

SOLOMON LÂ 2:15

Si-alte ei hun mat piak in, si-al note, grep selthak susia sekte kha; I grep selthak pan pante, a susia zo tau chu lam,” a ti’n.

JEREMIAH 29:8

Sepai honte Lalpa, Israelte Pathian in zia gual hin a gen ngal a: La lak ua jawlneite leh âisân thiamte chu kithepsak kiu inla, a mang matteu chule limsak kiu in;

MATTHAI 10:17

Himaleh, mihing lak ah chun chingthei un; vaihawmte hun matsak intiu in, kikhopna In ah te hun vua’n tiu in;

MATTHAI 16:6

Jesu’n a kiang un, Pharisaite leh Sadukaite thawi lak in kivêng un, a tia.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

NASEPTE 17:18

Epikuria mi leh Stoik mite lak ah mithiam khenkhat inle a hung kinialpiu a. A kim khat in, “Zia mi kamtampa hin bang a hem a gennop?” a tiu a; a dangte chun Jesu leh thawkitna thu a gen ziak ah chun, “Gamdang pathiante thu genpa hi’n a,” a tiu a.

NASEPTE 17:32

Mithite thawkitna thu a gen khâk phat ah chun, khenkhat chun a nuisan un; midangte chun, “Zia gual thu chu ngaithâk kit ka nuam ui,” a tiu a.

ROMTE 16:17

Suapite haw, nangmau thu kihilna tawh kikãl ah, kikhenna leh pûkna siamte chu vêngpha ding leh, kiheisan dingin ka don la hiu.

1 KORINTH 10:12

Ziaziakchun, ding zing ah la kingai chun chingthei ta’n, kilîk khan la.

1 KORINTH 8:9

Himaleh, zia la zalennau chu mi hatlote â ding ah pûkna a hung hi’ lona ding in chingthei un.

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

GALATIA 1:14

Chuleh, pu leh pate thugosia chung ah phatchuam ka ngai nasat diak ziakin, Judate biakdan lam inle ka chipite lak ah ka khan gualte tam tak chu ka la khêl tai.

GALATIA 4:3

Zia gual chun ei le naupang I hi’lai in, khawvel thubulte nuai ah suak in I la um un;

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

GALATIA 5:15

Himaleh, la kikiat ua, la kinêktua phat ua leh, la kisukgam lona ding un chingthei tau in.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

EPHESA 4:20

Nang un vang zia gual chun Khrista chun la zil puau hi!

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

PHILIPPI 3:2

Uichate lak ah chingthei un; thil phalo bawlte lak ah chun chingthei un; chuleh taksa zektan phûtte lak inle chingthei un.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

KOLOSSA 2:22

Ziate chu I mat zaw leh mangthai ding ahi; mihingte thupiak leh thugin mai ahi.

KOLOSSA 2:23

Zia gual thilte chu, nop dan ah biak leh, thunuaigol leh taksa engbawlna hi a phachuam gual in kilang maleh, taksa nopna lam dâlna dingin vang a phatchuamna a um puai.

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.

HEBRAITE 3:12

Suapite haw, chingthei tau in; chutilochun, Pathian hing chu kiheisan dingin la lak un kua chung inle ginlona lungthim gilo tak hung um kha’n a.

1 PETER 1:18

La pu leh pateu hun piaksawn, umdan phachuamlote ah kipat thil sethei, dangka leh sana ah tat la hi puau a,

2 PETER 3:17

Doitakte haw, zia thute chu la het lawk ziak un; chingthei un; achutiloleh, migilote diklona ah pui mang ah um in, a det lai kha pûk kha’n lau.

2 JOHAN 1:8

I sepna ziak uh chu mansua lo ah, kipakman kim chu la mutheina ding un kivêng phau in.