KOLOSSA 2:4 - PATHIAN LEKHABU THIANGTHO (BSI)

⁴ Zia hi kuama’n nialhat ah a hun thepzaw lona ding ua ka hun gen ahi.

KOLOSSA 2:4 ပူးပေါင်းရင်းမြစ်များ

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

MATTHAI 24:4

Jesu’n a kiang un, kuama’n a hun theppûk lona ding un chingthei un.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

NASEPTE 20:30

Nangmau lak ngei inle mi khen khat in nungzui khenkhatte chu puidaw gua’n, puikawina thute hun gen ding a hiu.

1 KORINTH 2:4

Ka thugente kha le mihing pilna leh jawlthiamna panglo in, Thagau leh a thilhitheina mang in ka gen zaw ahi kha;

2 KORINTH 11:3

Ahi’n la, gûl chun dawha thiam ah Evi a thep gual khan, Khrista ah takna leh thianthona ah kipat la lungthim uh susia kha’n au ti ka lauthawng hi.

GALATIA 2:4

Zia chu unau tak lo, a gûk ah pui lût ah umte suak ah ei lutsak theina ding ua, Khrista Jesu ah thawvenna I nei uh entha ding ah hung lutte ziakin ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

EPHESA 4:17

Ziaziakchun, zia hi Lalpa ah chun ka pom in ka phût la hiu: lungthim kisathei tak ah um, Jentelte gual in um ta kiu in.

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

KOLOSSA 2:8

Chingthei tau in, chutilochun, kua’nle Khrista thu lo gual in, mihingte thugosia leh khawvel thubulte gual in, a thupilteu leh thepna mai mai un gâllâk in hun la kha’n au.

2 TIMOTHI 2:16

Holimna polchete kiheisan in; zia chun mite Pathian ngaisak lona lam in a pui lût deu deu sek hi.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

1 JOHAN 2:18

Chate haw, hun nunung chu ahi tai! Khrista dodâlte chu hung ding a hiu ti la hiatsa gual un, tu’hin Khrista dodâl tam tak a hung tau hi. Zia ah kipat hin hun nunung ahi, ti I hethei ui.

1 JOHAN 2:26

Nangmau hun pui mang gawte umdan chu la kiang un ka hun zik a hi.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

THUPUAN 20:3

Lei kawkhûk tawp nei lo ah chun a pai lut ah, kot a khak khum ah, a châl det tai; tichun, namtin a thep kit lona dingin kum sang khat a tin masia um den dingin a nusia a. Zia zaw chuleh, hun sawt lo cha sung â ding bep ah thâdaw kit hiding ahi.

THUPUAN 20:8

lei chung kil li um namte, Gog leh Magog thêm in kido dingin pui khawm in a; a tam dan uh chu tuisuagiat piaunêl jat hi’n a.