KOLOSSA 1:9 - PATHIAN LEKHABU THIANGTHO (BSI)

⁹ Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

KOLOSSA 1:9 ပူးပေါင်းရင်းမြစ်များ

SAM 119:99

La thu hetsakte ka ngaitua zing ziakin, ei zilsakte zosia sâng in pilna ka hau zawi.

SAM 143:10

La doilam bawl dingin ei zilsak in, ka Pathian a la hi’ngal a. La thagau pha tak chun lamphei ah ei pui hen.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

NASEPTE 12:5

Peter chu suangkul ah a um lai in, kochuamte’n ama â dingin phatchuamngai tak in Pathian kiang in a la pauchap piak tau a.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

1 KORINTH 1:5

Bangkim in ama ah hi’hausak la hitau a, thugen theina lam leh hetna lam zosia’n le,

EPHESA 1:8

Zia hepina chun ama pilna leh lunggêl thiamna’n ei la vuk ta ahi.

EPHESA 5:10

Ziaziakchun, Lalpa pom tâk chu hawl zing un.

EPHESA 5:17

Ziaziakchun, ngolhuai tak in um kiu inla, Lalpa lung lam chu hawl in hiatthiam gaw zawu in.

EPHESA 6:6

mi kipakna ding mai ah, mitmei vêng bep ah sêm hilo in, Khrista suak gual jaw’n, lung sung ah kipat Pathian lung lam hawl in sêm zawu in.

PHILIPPI 1:4

Nanghaw zosia â ding ah ka pauchapna taphot ah chun, lim tak in ka hun dot piak sek hi.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

KOLOSSA 4:5

Chuleh, hun apha thei pen ah mang zing in, pawlam mite lak ah chun chingthei tak in um un.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

1 THESSALONITE 5:17

Chawl lo in pauchap un.

2 THESSALONITE 1:11

chutia, suklopi leh lamdang sak a hi’theina ding ah I Pathian in nangmaule ko tâk him a hunsak theina ding leh, phat nopna zosia leh ginna nasepna zosia ah thilhitheina a hun lawtinsak theina dingin, ka hun pauchap piak zing sek uh ahi.

PHILEMON 1:4

Ka pauchapnate ah chun la min lam zing in, ka Pathian kiang ah chun kipak thu ka gen sek hi.

PHILEMON 1:6

la ginna kikoppi leh Khrista tawh I kizopnau ah kipat I muu maljawlna chu la het zawk diakna dingin ka hun pauchap piak a hi.

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 2:15

Thilpha bawl ah mingolte hetlona sukdai chu Pathian doilam ahi ngal a.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.

1 JOHAN 2:17

Chuleh, khawvel leh a nopnate hi a mangthai zing hi; himaleh, Pathian lung lam hi’te vang chu kumtuang in hing in a.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.