KÂ LATE 5:2 - PATHIAN LEKHABU THIANGTHO (BSI)

² Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

KÂ LATE 5:2 ပူးပေါင်းရင်းမြစ်များ

SAM 109:11

A leibatna pa chun a nei zosia chom hen la; mêlhetlote’n a sepgimna ga lâkpiak uh hen.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 5:17

Ziaphat chuleh, belemnote’n amau gam hing, kinêk gual in ne ta’n tin uh; gam sesa ah chun belam tuaidawng leh, a note chun an vâ tak in ne ta’n au.

ISAI 63:18

La mipi thiangthote chun hun chomcha sung, la mun thiangtho chu a lua un; himaleh. Tu’hin ka mêlmateu chun a chuan den tau hi.

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

EZEKIEL 7:21

Gâl lâk dingin nam dangte khut ah pia’ng ka tin, khawvel ah mi nunsiate suam dingin pia’ng ka; amau chun mi chu subuak ta’n au.

EZEKIEL 7:24

Khawvel ah nam gilo pente a In uh lua dingin, hun pui lût ing ka. Mi kiletsakte chapona hi’bei ing ka tin, a mun thiangthoteu sukbuak in um ta’n a.

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

HOSEA 8:8

Israelte chu valzaw a hitau in; namte lak ah bêl matna bei gual a hung hitau hi.

ZEPHANIAH 1:13

A hausaknau chu suam in um intin, a Inteu chule a hawm ah nutsia hung hi’n a. Inte sa maleu, chênna’n nei diak pua’n tiu in; grepte phu maleu, a grep phuteu tui chu dawn diak pua’n au.