KÂ LATE 2:7 - PATHIAN LEKHABU THIANGTHO (BSI)

⁷ Lalpa‘n a mâichâm a ki’dak ta’n, a mun thiangtho le a ângsia ta puai; a lal In bângte chu, a mêlmateu khut in a pedok tai; Lalpa In ah kûtna ding, pengkul mûtna mun ah khan, gâlte’n zaw’na pengkul a mût tau hi.

KÂ LATE 2:7 ပူးပေါင်းရင်းမြစ်များ

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

MATTHAI 24:2

Ama chun a kiang un, zia zosia hi la muu hi maw? Titakzet in ka hun hil hi, zia tak ah suang kitiang khawm haw zosia hi pakhat chale hawi lo ah sukchip lo ding a um puai, a tia.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

EZEKIEL 7:24

Khawvel ah nam gilo pente a In uh lua dingin, hun pui lût ing ka. Mi kiletsakte chapona hi’bei ing ka tin, a mun thiangthoteu sukbuak in um ta’n a.

KÂ LATE 2:5

Lalpa chu mêlma gual in a hung um ta’n, Israel a suchimit tai. A lal in zosiau susia’n, a kuldet zosiau sukchip piak in, Judah chanu chung in kâ leh, lusûnna but khum in a um tai.

KÂ LATE 2:1

Lalpa‘n a lungnatna ziak ah, Zion chanu bang gual lawm ah, sumualpho ahi tam! Israel hoina van ah kipat in, lei ah a hun septha ta’n; a lungnat ni’n a keng ngakna a he’pha ta puai.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

THIAMPUTE LEKHABU 26:44

Zia gual ah chun bawl in, a gâlteu gam ah vaum ziang maleu, amau chu paimang theng ziang pua’ng ka tin; amau tawh ka thuthung botsia ding leh amau hi’mangthai ziang dingin muda diak pua’ng ka: Keima hi Lalpa a Pathian uh ka hi’ngâl a.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

SAM 89:39

La suak kiang ah la thuthung la botsia ta’n; a lal lukhuk le leivui lak in la paitha tai.

JEREMIAH 21:4

Zedekiah kiang in zia gual hin vagen un, a ti’n: Lalpa, Israelte Pathian chun zia gual hin a gen hi: Kulbâng pawlam ah hun ûm zo ta, Babulon lengpa leh Kaldai sepaite la do-nau hiam leh thal zosia kha bangmalo hun suasak ing ka tin; la khawpiu lailung ah hin, amau chu a leng un hun pui khawm sik sek ding ka hi.

JEREMIAH 50:28

Ngai un! Lalpa I Pathian un Tempul chung thu ah a phuba lâkna thu, Zion ah taklang dingin Babulon gam ah kipat in gâljam leh vâkvaite chu a hung ui.

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

2 LENGTE 25:9

Jerusalem ah In zosia, Lalpa In tawh, lal In tawh, a milianteu In haw zosia tawh le a hung hâltum sik sek tai.

ISAI 64:9

Aw Lalpa, lungna talua kin la, ka khawlonau chu hezing ziang kin. Ngai inla, ngaitua tiam in, ka leng un la mipite ka hiu.

JEREMIAH 4:26

Ka vak et leh, ngai tia, gam phatnate chu gamkeu a la suak zo ta’n, a khawpi zosia chule, Lalpa âng ah chun, a lungnatna ziak ah chun suksiat a hi zo tai.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.