KÂ LATE 2:4 - PATHIAN LEKHABU THIANGTHO (BSI)

⁴ Mêlma gual in a thalpi a lawi ah, gâl gual in a changlam khut a pan tai; Zion chanu puanbûk ah, I kisuanpiu zosia chu a that gam ta’n; a lungnatna chu mei gual in a buntha tai.

KÂ LATE 2:4 ပူးပေါင်းရင်းမြစ်များ

2 KHANGTHU 34:21

“Zia Dan Lekhabu kizikte hi I pu leh pateu in a la zui tâk lo ziak un, I chung un Lalpa lungnatna huaisia tak chu a la tung ta hen; chiau inla, zia Lekhabu kimudok thute dungzui ah, keima leh Israel leh Judai gam ah um nalai sunte chungchâng hi, Lalpa kiang ah ei vadawp piak tiam un,” ti’n a sawl tai.

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

JOB LEKHABU 19:11

Ka chung ah a lungnatna a sêmkuang ah, a mêlmate lak in ei sim khawm tai.

JOB LEKHABU 6:4

Hat Chungnung Pathian thalchangte chun, ei kâplet un; ka thagau in a thi’na gûte chu a dawn in, Pathian tizat umnate chu, ei do dingin a kitiang suak tau hi.

SAM 37:14

Gentheite leh tasamte nuaisia ding leh, dik tak ah umte that dingin, mi nunsiate chun a chemjam uh jukdok in, a thalpiu a lawi un;

SAM 7:13

a mi thâna hiamheite chu a siamtup diam ta’n; a thal chang lau um tak chule a siam zo tai.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

ISAI 63:6

Lungna ma ma in mipite chu ka chil ta’n, ka hachangthakna ka gawtnawi in; chuleh, a thisan uh lei tual in ka sungtha tai.

JEREMIAH 10:20

Ka puanbûk suksiat a hita’n, ka khauhual zosia le suktan ahi tai; ka chate zosia’n le ei nusia tau in, a um ta puau hi; ka puanbûk ei jak piak ding leh, ka puanjak ei kândet piak dingle a um ta puau hi.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 42:18

Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

KÂ LATE 1:13

Chung lam ah kipat in mei a hun sawl ah; ka gu sung in a lût ah; ka kengte â dingin lên a jak ah, ei kiheisak kit tai; chau leh basam ah nitum ah um dingin ei nusia tai.

KÂ LATE 2:5

Lalpa chu mêlma gual in a hung um ta’n, Israel a suchimit tai. A lal in zosiau susia’n, a kuldet zosiau sukchip piak in, Judah chanu chung in kâ leh, lusûnna but khum in a um tai.

KÂ LATE 3:3

nitum in, a vêl vêl in ka chung in a khut a tha’n.

KÂ LATE 4:1

Bangtidan ah sana chu mual a, sana thiangtho chu bangtidan ah danglam ziang ahi tam! Mun thiangtho pen ah kimang sek suang thiangthote chu, lamkâ thuam tin ah the’tha’n ahi tai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 13:13

Ziaziakchun, Lalpa Pathian in zia gual hin a gen hi: Ka lungnatna thigawpi nunsak ing ka tin, ka hachangthakna tuisâng let intin, ka thangtawmna gial in sepsia ta’n a.

EZEKIEL 20:34

La kithejaknau namtin leh gam tin ah kipat in, khut hat tak lâmsa’n, ka lungnatna leibua’n hun puikhawm kit ing ka tin;

EZEKIEL 22:22

Dangka thîk hâltuina mei ah hâltui ahi gual in, nanghaw le a sung ah hâltui hi’n lau; tichun, Keima Lalpa hin ka lungnatna la chung un but khum ka hi ti he ta’n lau, ti’n a gen a.

EZEKIEL 24:25

Mihing, nang vang chu a kulpiteu, a kipaknau leh a lopinau, a mit uh limna pen leh a lungthim ua a ngainat pen uh leh, a chanu chapateu tawh ka lâkpiak ni phat leh,

EZEKIEL 36:18

Tichun, gam chung ah thisan a sua’nau leh, a milimteu ziak ah a kisubuak ziak un, ka lungnatna a chung un ka butthâk ahi.

EZEKIEL 5:13

A chung ua ka lungnatna butit ing ka tin, a chung ua ka thangtawmna sungtha’ng ka tin, ka lungdam ta’n ah; ka mitthîpna ziak ah Keima, Lalpa hin, a chung ua ka lungnatna buntha ka hi, ti hun he ta’n au.

EZEKIEL 6:12

Gamla tak ah umte chu natpi’n thi’n tiu in; a nai tuam ah umte chu chemjam in thi’n tiu in; zia lak ah suakcha nalaite chu kial thi’n au. Tichun, a chung ua ka lungnatna but khum ta’ng ka.

EZEKIEL 7:14

Pengkul a mût un, bangkim a siam zo tau hi! maleh, kuama kido’na mun in a chia puau in, ka lungnatna a leng ua chung ah um ahi ngal a.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

NAHUM 1:2

Pathian doichilgil leh phuba la chu Lalpa chu ahi’n; Lalpa chu phuba la sek leh lungnat hat ahi; Lalpa‘n a dodâlte chung ah phuba a la sek ah; ama do-te chung ah a lungnatna kuanjaksak sek chu ahi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

1 SAMUEL 28:16

Samuel in, “Lalpa‘n nang hun nusia ah, la mêlma ah pang ahi tâk ziakin bang ding ah ei dong nalai la hi em?