KÂ LATE 2:3 - PATHIAN LEKHABU THIANGTHO (BSI)

³ Israel mi hat zosia a lungnatna, puangjak chun a pai tha ta’n; a mêlmateu âng ah a panpi’na, khut changlam a juk tha tai; Jakob ah meikuang gual in, a kîmvêl ah um zosia kâng tum in a hâl tai.

KÂ LATE 2:3 ပူးပေါင်းရင်းမြစ်များ

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

JOB LEKHABU 16:15

Ka vun tuamna dingin saidip puan ka kikhû ta’n, ka hatna chu leivui lak in ka paitha tai.

SAM 132:17

Zia tak ah chun David chawisâng ing ka tin; ka sathaunu’ â dingin thaumei ka guat piak tai.

SAM 74:11

Bang ding ah la khut juk kit la hem? Bang ding ah la khut kiltua ah um nalai la hem?

SAM 75:10

Mi nunsiate zosia kî chu sattan piak ing ka tin; mi dikte kî vang chu choisa’n in um in a.

SAM 75:5

kilâm sâng ten kiu inla, chapo tak in thu gen kiu in,” ka ti hen.

SAM 79:5

Aw Lalpa, bang chan a hem la lungnat nâk lai ding? La itthîk siatsona chu mei gual ah kuang ding a hem?

SAM 89:24

Ka ginumna leh ngilneina’n umpi zing intin; ka min ziakin a kî choisa’n in um in a.

SAM 89:46

Aw Lalpa, bang chan hiding a hem? kumkhua’n ei kisêl mangsan ding la hem? La lungnatna chule mei gual ah, bang chan kuang ding a hem?

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 48:25

Moab kisuanpi a thahâtna chu khetbot in a um ta’n, a khutbân chule sattan in a um tai, Lalpa‘n a tii.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

KÂ LATE 1:13

Chung lam ah kipat in mei a hun sawl ah; ka gu sung in a lût ah; ka kengte â dingin lên a jak ah, ei kiheisak kit tai; chau leh basam ah nitum ah um dingin ei nusia tai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 13:13

Ziaziakchun, Lalpa Pathian in zia gual hin a gen hi: Ka lungnatna thigawpi nunsak ing ka tin, ka hachangthakna tuisâng let intin, ka thangtawmna gial in sepsia ta’n a.

EZEKIEL 7:14

Pengkul a mût un, bangkim a siam zo tau hi! maleh, kuama kido’na mun in a chia puau in, ka lungnatna a leng ua chung ah um ahi ngal a.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

LUKA 1:69

A suak David In sung ah kipat in ei uh â di’n, hukdampa hat tak a hun tungdok tai;

LUKA 3:17

A khut in phajâp a chawi ah; a phual ah a si jap thiang intin, bupang ah sungkhawm in ah; a si’te chu vang mei mit theilo ah chun hâltum in a,” a tia.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.