KÂ LATE 2:2 - PATHIAN LEKHABU THIANGTHO (BSI)

² Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 2:2 ပူးပေါင်းရင်းမြစ်များ

JOB LEKHABU 2:3

Lalpa‘n Setan kiang in, “Ka suak Job saw la ngaitua kha em? Khawvel ah hin ama tawhbang ah pha bukim, thu tak leh, Pathian lau leh thil phalo lak ah kipat kisûm thei mi umlo ei ve. A ziak leh zal bei ah lei hi’siatsak tiang inle a gin um zing nalai hi,” ti’n a dawnhu a.

SAM 21:9

La hung kilat phat leh amau chu, hâltuina meipi gual in hâl kuang ding la hi. Lalpa‘n a lungnatna’n val zo intin, mei chun kâng tum ding ahi.

SAM 74:7

La mun thiangtho chu a hâl tum un; la min umna mun chu lei tual tawh kikim in, a hi’buak zo tau hi.

ISAI 22:5

Sepai honte Lalpa Pathian in kilâkna phâijawl ah chun: Lungkhamna, palchek ah umna, bâng hichipna leh kap veng vung ah, mual leh tângte kiang ah panpi don ah, kiko’na ni chu a guat ta’ngâl a.

ISAI 23:9

Sepai honte Lalpa guanggal ahi, mi lopite kisuanpi zosia bangmalo sua ding leh, lei chung zosia’n a ngaisân uh hi’mualphona dingin.

ISAI 25:12

A kulbâng sâng tak takteu chu, hi’chip in hung um ta’n tin; lei tual ah leivui lakah, paithâk in um ding ahi tai.

ISAI 26:5

Mi kingaisângte chu kainiam in, khawpi kiletsak chu a susia ta’ngal a. Leitual tawh kikim in a kainiam a, leivui lak in a paitha tai.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 43:28

Ziaziakchun, mun thiangtho ah, miliante chu ka hun hi’buak ta’n, Jakob chu siatna tuak dingin ka pedok ta’n; Israel chule mite daichâkvai dingin ka pedok ta ahi.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 5:10

A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.

KÂ LATE 2:17

Lalpa‘n a lungtup chu a bawl zo ta’n, a suklauna a sêmdok tai; malai ah kipat a la guatsa chu, lainatna panglo in a kai chim ta’n; la chung in mêlmate a kipak tau a, la gâlte chu a chawisâng tai.

KÂ LATE 2:21

Khangdawng leh têksete chu, kotzing tual lai in a lum un; ka nungak leh tangvalteu chu, chemjam in a thi tau a; la lungnatna nikhua hin, lainatna panglo in, amau chu that in, la satlum gam tai.

KÂ LATE 2:5

Lalpa chu mêlma gual in a hung um ta’n, Israel a suchimit tai. A lal in zosiau susia’n, a kuldet zosiau sukchip piak in, Judah chanu chung in kâ leh, lusûnna but khum in a um tai.

KÂ LATE 3:43

Lungnatna la kithuam in, lei delzui a; lainatna panglo in lei that in,

EZEKIEL 5:11

Ziaziakchun, Lalpa Pathian in, ama kiminlaw in, “Ki’dak la umnau zosia leh, la polchenau zosia ah ka mun thiangtho la sukbuak zaw tâk ziak un, hun dangdâk ding ka hi; ka mit inle hun en pua’ng ka tin, daidawp talo ding ka hi.

EZEKIEL 7:4

Ka mit in hun hawi pua’n tin, khawtuana hun nei lo ding ka hi. La umdan dungzui in hun gawt ding ka hi’n, la ki’dak umna zosiau la lak un a umzing ngal a. Ziaphat chuleh, kei hi Lalpa ka hi ti hun he ta’n lau.

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

EZEKIEL 9:10

Ke’n vang kimulosak pua’ng ka tin, daidawp diak pua’ng ka; a thilbawl dungzui un a luchung un tunsak zaw ta’ng ka,” a hun ti tai.

MIKAH 5:14

la lak ua Asherim dawikhuamte chu bawtdok ing ka tin, la khawpiteu chu susia ding ka hi.

MALAKI 1:4

Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

MATTHAI 18:33

ka hun lungsiat gual ah nang inle la suak chanpi chu la lungsiat ding hilo a hem? a tia.

2 KORINTH 10:4

Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

DAN LEKHABU 28:52

La kisuanpi la kulbâng sâng tak tak teu leh, la chênna khawpiteu zosia a chip suak masangsia, ûm chimit in au; Lalpa la Pathian un a hun piakna gam ah chun la chênnau khawpi zosia chu hun ûm suak ta’n au.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.