KÂ LATE 2:1 - PATHIAN LEKHABU THIANGTHO (BSI)

¹ Lalpa‘n a lungnatna ziak ah, Zion chanu bang gual lawm ah, sumualpho ahi tam! Israel hoina van ah kipat in, lei ah a hun septha ta’n; a lungnat ni’n a keng ngakna a he’pha ta puai.

KÂ LATE 2:1 ပူးပေါင်းရင်းမြစ်များ

2 SAMUEL 1:19

“Aw Israel, la lopina chu, la thoimualte ah chun thalup in a um tai! bangtidan ah mi hangsan chu pûk mai ahi tam!

1 KHANGTHU 28:2

Ziaphatchun, Lengpa David chu a hung dingdok ah, a kiang un zia gual hin thu a hun gen a: “Ka suapi, ka mipite haw a la ngai un. I Pathian un a keng a ngakna ding ah Lalpa thuthunna thingkuang kicholdamna ding In pakhat sak ding ka la guanggal in; ziaziakchun, a In van dingte chule ka la lakhawm tai,” a tia.

SAM 132:7

“Ama chênna mun ah lût hitiu in, a kengbul ah chibai bûk hitiu”.

SAM 89:45

A khangdawng lai nikhua la sukchom piak ah; zachâkna’n la khû tai.

SAM 99:5

Lalpa I Pathian uh pâk unla, a kengbul ah chun chibai bûk un. Ama chu a thiangtho hi!

ISAI 64:11

Ka In thiangtho leh hoi tak uh, ka pu leh pateu in nang a hun choihoina mun uh chu, mei ah hâl tum in a um ta’n; chuleh, ka mun nuam zosiau chule hisiat zaw ahi tai.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

KÂ LATE 2:17

Lalpa‘n a lungtup chu a bawl zo ta’n, a suklauna a sêmdok tai; malai ah kipat a la guatsa chu, lainatna panglo in a kai chim ta’n; la chung in mêlmate a kipak tau a, la gâlte chu a chawisâng tai.

KÂ LATE 4:1

Bangtidan ah sana chu mual a, sana thiangtho chu bangtidan ah danglam ziang ahi tam! Mun thiangtho pen ah kimang sek suang thiangthote chu, lamkâ thuam tin ah the’tha’n ahi tai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 13:13

Ziaziakchun, Lalpa Pathian in zia gual hin a gen hi: Ka lungnatna thigawpi nunsak ing ka tin, ka hachangthakna tuisâng let intin, ka thangtawmna gial in sepsia ta’n a.

EZEKIEL 19:12

Himaleh, thangtawmna ah bawdaw in a um ah, lei tual se’na’n mat ahi; sualam hui in a mût keu in, a gate chu heu in a um ah, a kung det chu a keugawp ta’n; mei in a kâng tum tai.

EZEKIEL 24:21

Israel Inkuante kiang ah, Lalpa Pathian in zia gual hin a gen hi: La kisuanpi, la mu nop pen leh la lunggil ah la ngainat pen, ka mun thiangtho chu subuak ding ka hi; chuleh, la chanu chapa la nutsiate chu chemjam in thi’n au.

EZEKIEL 30:18

Aigupta gam thuneina ka hisiat phat leh, Tehaphnehes chu sûnchang lai tak in thim intin, a kisuanpi a hatna chu suktawp hung hi’n a; a khawpi chu sûmpi’n chup intin, a khawpelte chu sal ah pui in um ta’n au.

JOEL 2:2

thim leh vannîm ni, sûm ji’n ni leh thim sâ ni ahi! tâng chungte chu thim in meikhu gual in, sepai tam tak leh hat a hung ui; zia gual chu masang ah kipat in, a la um kha naipua’n, bangmatik in um kit talo ding ahi.

MATTHAI 11:23

Aleh, nang Kapernaum, van chan ah choisa’n ding ah kingai la hem? Mithi khua tiang ah nawthâk ah um zaw ding la hi. La sung ah thilmak kibawlte kha Sodom khua a la kibawl hita leh, tuni tiang hinle ala um nalai kha ding uh hiven!

LUKA 10:15

Nang Kapernaum, van tiang in choisa’n hiding la hem? Mithi khua tiang ah sotthâk ah um ding lei vei!

LUKA 10:18

Himaleh, ama’n a kiang un, “Setan van ah kipat kawlphe gual ah hung ketha ka mui.

1 SAMUEL 4:21

Nausen min dingin Ikhabod a phuak ah, zia chu, “Lopina chun Israelte a nusia tai,” ti’na ahi. Pathian thuthung thingkuang lâkpiak a hitauah, a talpupa tawh a pawsal le a thi tâk ziak uh ahi.

1 SAMUEL 4:22

Ama chun, “Pathian thuthung thingkuang lâkpiak ahi tâk ziak un, lopina chun Israel a nusia tai,” a ti ahi.