KÂ LATE 1:9 - PATHIAN LEKHABU THIANGTHO (BSI)

⁹ A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 1:9 ပူးပေါင်းရင်းမြစ်များ

2 SAMUEL 16:12

Ka lungkhamna hi Lalpa‘n ei mu piak ahi chun, tu’ni zia gual ah hânkhum ah ka umna hile Lalpa‘n a pha lam ah ei hei piak zaw mai thei tho ahi,” a tia.

2 LENGTE 14:26

Lalpa‘n Israel thokgim zia chu a huaisia ma ma tai ti a mu ziakin; kuamacha, suak hi’n suak lo hi taleu, a suakcha a um ta puau ah, Israel panpi ding a um ta puau hi.

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

SAM 119:153

Ka genthei dan hi ngaitua inla, ei hukhing ta’n; la dan chu ka hemil ngai paw’ngal a.

SAM 140:8

Aw Lalpa, mi nunsiate duthusam chu pe kin la; a ngaituanau phalo chule pitin sak diak kin.

SAM 25:18

Ka thok genthei dan leh ka buaina hi, ei ngaitua piak inla; ka gitlona zosia ngaidam in.

SAM 69:21

Ka an dingin gû ei piau a, ka dangchâk ah dawn ding uain thûk ei piau hi.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

THUGENTU 4:1

Chuleh, khawvel ah kinuaisiana zosia hi ka vak mu ta’n. En tiam in, nuaisia ah umte mitthi leh a thamuan ding neilo dan uh khi! A mau nuaisia tute chun thilhitheina a nei dan uh leh, amau thamuan ding a umlo dan teu hi ka ngaitua a.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

ISAI 37:17

Aw Lalpa, keima lam ah la nakhang hun daw inla, ei ngaitha’n. Aw Lalpa, la mit hak inla hun en tiam in; Pathian hing hosia ding ah mi a hun sawlte ah kipat in Sennakherib thugente hi a leng in la he ta’n.

ISAI 37:23

La simmaw ah la hosiat chu kua a hem? Kua dodâlna ding ah la aw khati sânsak ah, la mit kha khati têt sânten la hem? Israel Mithiangtho dodâlna ahi kha lam!

ISAI 37:29

Ka chung ah la lungnatna leh, la husiat dan ka la het tâk ziakin, la nâk ah nâkkhau thun ing ka tin, kamkhau la mûk ah hun vua ding ka hi; tichun, la hungna lampi khan hun kai kit ding ka hi, ti in.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 47:7

Nang in, “Kumtuang ah lengnu hiding ka hi,” la ti ziakin, zia thilte chu la lungthim inle la la ngaitua kha pua’n, a tawpna ding uh le la he’pha diak puai.

ISAI 51:19

Zia thil panite hi la tuak ding a um ah, kua’n a hun dâpi ta diam? Hi’gamna leh hi’siat dim dem hun ah, kialna leh chemjam lênna, kua’n a hun thamuan ta diam?

ISAI 54:11

Aw, nang sukgenthei ah um, thigawpi’n a mût lumlet, thamuanna him him nei lo, la suangte kha a jem hoi tak in, hun siam piak ing ka tin, la In suangphûm ding chu, sapphire suang mantam in hun lep piak ing ka.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 16:7

Kuama thisûnte thamuanna ding ah vaithum lui piak um pua’n a; chuleh, a nu a hem, a pa a hem sûnte thamuanna dinginle thingpi no khat ziang le kuama’n dawnsak pua’nau.

JEREMIAH 2:34

In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 48:26

Lalpa do ding ah a kisan pawm ziakin, Moab chu dawn khamsak tau in; Moab chu a luak lak ah kibualsak tau in; ama chule mite nuizatbûk hung hita hen.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 50:29

Babulon do dingin thal kap thiam, thalpi chawi zosia chu ko khawm un. Hual kîmvêl unla, khat chale suachâtsak kiu in. Lalpa, Israelte Mithiangtho chu ki-uangsak tak ah a la simmaw ziak un. Ama’n a la bawl tawh kiphutawk in a chung ah bawl tau in.

KÂ LATE 1:17

Zion in a bân a jakdok ah, a thamuantu ding la kuama umlo; Lalpa thupiak ah Jakob do dingin, a Invêngte zosia dogâl a suak zo tau hi. A lak un Jerusalem chu, buaksia gual a hung hi tai.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

KÂ LATE 4:1

Bangtidan ah sana chu mual a, sana thiangtho chu bangtidan ah danglam ziang ahi tam! Mun thiangtho pen ah kimang sek suang thiangthote chu, lamkâ thuam tin ah the’tha’n ahi tai.

KÂ LATE 5:1

Aw Lalpa, ka thil tuakteu hi hezing inla, ka mualphonau hi ei hun etthâk piak ta’n!

HOSEA 2:14

Ziaziakchun, tun ama jawl ing ka tin, gamthip ah pui ing ka tin, aw nem tak in ama jawl ing ka.

ZEPHANIAH 2:10

Sepai honte Lalpa, mite chung ah ki-uansak tak ah, a la nuisan tâk ziak un, a chapo’na ziak un zia hi a chantum uh hita’n a.

JOHAN 11:19

Mari leh Martha kiang ah chun a suapipau ziak ah thamuan dingin Judate tam tak a hung kikhawm un.

DAN LEKHABU 26:7

ka pu leh pateu Pathian, Lalpa kiang in ka kiko tau ah; ama’n ka awu chu a la ngaitha’n, ka genthei danteu, ka nasep gim danteu leh tawimaw hial ah ka um danteu chu a hun mu ta’n.

DAN LEKHABU 32:27

himaleh, a mêlmateu in simmaw ah, a nuaisia bêk ding ziak un: ‘I gual zo tau hi; zia gual ah thilbawl hi Lalpa ahi puai,’ a ti khâk ding uh ka lau ngâl a.

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

1 PETER 4:17

Vaihawmna chu Pathian Inkuan ah pat a hun ta ngal a; eimau ah pat masak ahi chun, Pathian chanchinpha awilote tawpna chu bang gual a hita diam?

1 SAMUEL 1:11

Zia gual hin thutiam a bawl ah: “Aw, sepai honte Lalpa, la suak genthei dan hi hun en inla, ei hezing in, la suak hi hemil kin; la suak hi chapa pakhat lei piak ahileh, a thi tiang ah nang â ding ah kikoi thiangtho dingin hun pia kit ding ka hi. Ama chun zu leh khamthei thil him him dawn pua’n tin, a luchang ah samchem him him mat hipua’nah,” ti in.