KÂ LATE 1:4 - PATHIAN LEKHABU THIANGTHO (BSI)

⁴ Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

KÂ LATE 1:4 ပူးပေါင်းရင်းမြစ်များ

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

JEREMIAH 10:22

Husa chu ngai tiam u! Judai gam ah khawpite hi’sia, si-alte chênna ding ah siam dingin, mallam gam ah kipat in husa lau um tak a hung hi, ei hun zuan hi, ngai un.

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

KÂ LATE 5:13

Tangvalte chu a chamlo un bu a hêksak un; naupangte chu hoi dong dong in, thingtum puaksak a hiu.

KÂ LATE 5:14

Upate chun khawpi kotkhak a nusia tau in; tangvalte’n le a La sak uh a chawlsan zo tau hi.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

THIAMPUTE LEKHABU 26:22

Gam sahângte hun sawl ing ka tin, la lak ua la chateu hun tokmang in, la ganchateu hun ne zo in, nang uh hun hi’kiam intin, la lamlianteu le nutsia hung hita’n a.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.