KÂ LATE 1:3 - PATHIAN LEKHABU THIANGTHO (BSI)

³ Judah chu sal ah puimang ah um in, genthei tak ah na sepsak ahi tai; nam dangte lakah um in, chawldamna him a nei puai; ama hun delte chun a lungdon lai tak in, a hun delpha tau hi.

KÂ LATE 1:3 ပူးပေါင်းရင်းမြစ်များ

2 LENGTE 25:11

Ahi’n, zia khawpi mi a nutsia sunteu tawh, a jamjakna lam ua thi kha lo ah Babulon Lengpa â dingah a la kipethei zosia tawh, mipi vantangte lak ah a thibang sunte chu Lengpa vêng ah pang sepai hotu Nebuzaradan chun sal in a pui mang tai.

2 LENGTE 25:21

A tun phat un, Babulon Lengpa chun a mi puite chu a la that ah, Hamath gam ah Riblah mun ngei ah chun a la that sik sek tai. Zia gual tak ah chun Judah chu a gam ua kipat in puak daw in a um tau hi.

2 LENGTE 25:4

Ziaphatchun, khawpi kulbâng mun khat a phevang ua, Lengpa tawh a sepaite chu zia jan ah chun Lengpa huan pâm ah, kulbâng thua ni kikâl ah chia in kul kotkhak ah Kaldaite, amau ûm kîmvêlte lak chu hawtheng in a taidok ua, Arabah lam zuan in a tai pek tau a.

2 LENGTE 25:5

Ahi’n, Kaldai sepaite chun Lengpa chu a delzui ua, Jeriko phâijawl ah chun a delpha tau a: Ziaphatchun, a sepaite chun jamsan sik sek tau hi.

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

JEREMIAH 52:15

Vêngtu lak ah hotulian Nebuzaradan chun, mipi lak ah thu genthei deute leh khawpi sung ah nutsia ah umte; chuleh, a jam mang lak ah Babulon Lengpa khut ah kipelut zosia tawh, khut nasep thiam um nalaisunte chu tawh a leng un sal in a pui mang suak tai.

JEREMIAH 52:8

Himaleh, Kaldai sepaite chun lengpa chu a delzui un, Jeriko phâijawl ah chun Zedekiah chu a man tau a; ziaphatchun, a sepai zosia taijak in, a jamsan zo tau a.

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

KÂ LATE 4:15

“Pawtdok in! Mi thianglo! Pawtdok in! Pawtdok in! Khoikha kin!” ti’n min a la kiko khum ui. Tichun, liangvai leh vâkvai in a um zo tau in; nam dangte chun, “I kiang un um ta kiu hen,” a tiu a.

KÂ LATE 5:5

Ka ngawng ua thikkol bul in, gim tak ah na sepsak ka hitau in; ka chawl ma mau ah, himaleh, chawl dam hun a um puai.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

DAN LEKHABU 28:48

bangkim tasam kawm ah gilkial, dangchâk leh ngawnchang in Lalpa‘n nanghaw do ding ah la mêlmateu a hun sawlteu na chu sep piak in lau.