JOSHUA 9:9 - PATHIAN LEKHABU THIANGTHO (BSI)

⁹ Amau chun a kiang in, “Lalpa la Pathian min ziakin, la suakte hi gamla tak ah kipat hung ka hiu; la minthan dan leh Aigupta gam ah la thilbawl zosia leh,

JOSHUA 9:9 ပူးပေါင်းရင်းမြစ်များ

1 LENGTE 8:41

Zia gual ma chun, la mi Israelte lak ah hilo, gam dang mi nangma min ziak ah gamla tak ah kipat a hung phat ua leh,

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

SAM 148:13

Zia haw chun Lalpa min chu pâk chiat tau hen! ama min bep choisa’n ahi hen, a lopina chun lei leh vante a khûp talua ahi.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

SAM 78:12

Aigupta gam sung Zoan phâizawl ah chun, a suanteu mit mu in thilmak takte a la bawlta ngal a.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

PAWTDAWNA THU 15:14

Mipite’n a hiau ah, a kithing tau in; Philistia ah chêngte chu, lungngai na’n a chup tai.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

ISAI 55:5

Ngai un, la hetngai lo namte chu hun ko in la tiu in, Lalpa la Pathian, Israelte Mithiangtho chun, a hun chawihoi tâk ziakin, nangma hun he’kha ngai lo namte chunle, hun zuan ta’n au.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

KISIMNA LEKHABU 14:15

tu’hin, zia mipite hi a leng ua thakhat ah la thagam ziang leh vang, namtin lak ah mi, la thilbawl dan a la he’khasa zosia’n,

KISIMNA LEKHABU 20:14

Kadesh mun ah kipat in Mosi chun Edom lengpa kiang in palai a sawl ah: “La suapipa Israel in zia gual hin a gen hi: Ka chung ua vangsiatna tung zosia kha nang inle la henai;

NASEPTE 8:7

Thitha buakte chule, aw ngai tak tak ah kiko jak in a lutnateu ah kipat chun a pawtdok ua; zeng tam takte leh kengbai tam takte le sukdam in a um un,

DAN LEKHABU 20:11

Kicham nuam ah a hung kipiak lut ziang uh chun, zia khua ah mipi zosia chun la nau a sep ding uh ahi.

DAN LEKHABU 20:15

Zia gual chun, la chênnau ah namte umna hilo khawpi gamla tak ah um zosia chu la sawisa ding uh ahi.

JOSHUA 9:10

Jordan lui gâl lam ah Amorte Leng pani Heshbon gam ah Leng Sihon leh Bashan gam ah Leng, Ashtaroth khua chêng Og te ni chung ah la thilbawl zosia kha ka la he ta’ngâl un.

JOSHUA 9:16

Himaleh, a kiang ua thuthung a siam zawu ah ni thum a ti’n nung in, amau chu a khua kiang ua chêng leh a lak ma mau ah chêng zing a hiu ti a hun he tau a.

JOSHUA 9:17

Tichun, Israelte chu a kuan ua, a ni thum ni chun a chênnau khawpite chu a vatung tau ah; a khawpiteu chu Gibeon, Kaphirah, Beeroth leh Kiriath-jearim te hi a hiu a.

JOSHUA 9:24

Amau inle Joshua kiang in, “Lalpa la Pathian in, a suak Mosi kiang ah gam zosia hi la khut ah pia in, a gam ah chêng zosia hile la ma-âng ah sumangthai sik sek dingin thu a piai, ti thu la suakte hin ka la hiau ah; chutichun, nangmau ziak ah ka hinnau matsua ding ka lau ziak un, zia gual hin ka la bawl ta mai uh a hi.