JOSHUA 9:18 - PATHIAN LEKHABU THIANGTHO (BSI)

¹⁸ Himaleh, mipi palaite’n Lalpa, Israelte Pathian min ah thutiam a la bawl tâk ziak un, Israelte’n amau chu a vado ta puau a. Ziaphatchun, mipite chu a hotuteu chung in a phun sau sau tau a.

JOSHUA 9:18 ပူးပေါင်းရင်းမြစ်များ

2 SAMUEL 21:7

Himaleh, Saul chapa Jonathan tawh David kikâl ah Lalpa hetpi ah kitiamna a la nei ziak un, Saul chapa Jonathan chapa Mephibosheth chu vang a pedok puai.

SAM 15:4

a mit ua mi nunsiate simmaw a, Lalpa laute ngaisâng ah; ama liamna ding tiang ah le a thutiam ah ding det ah, a tiamsa hi’danglam kit ngailo mite;

THUGENTU 5:2

Pathian âng ah thu tut dingin, la kam le kinaw ki’hen la, la lungthim le kinaw diak ki’hen; Pathian chu van ah um ahi’n, nangma lei ah um la hi; ziaziakchun, la thu gendaw chu tawm hen.

THUGENTU 5:6

La kam chu thil hun hi’khialsak dingin phal kin la, palai âng inle ka genkhial ahi, ti diak kin; bang dingin em la paukam ziak in Pathian chu lungna’n, la khut sepgimna chu a noimang ziang ding?

THUGENTU 9:2

bangmalo mai mai ahi’n; a leng ua chung ah thil tung chu a kibang chiat a: Midik leh migilo, mipha leh mi phalo leh mithiangtho leh mibuakte, kithoina pia leh kithoina pe ngailote chung ah kibang tak ah thil a hung tun sek dante hi. Miphate chung leh migilote chung ah hitaleh, kihaksial chîng mi leh kihaksial ngailote chung inle, kibang tak in a tung a.

KISIMNA LEKHABU 30:3

Chun, numei khat in a nungak sung, a pa In ah a um sung in Lalpa kiang ah thutiam nei in, ama leh ama kigâk taleh,

DAN LEKHABU 23:22

Kipautiam lo ding ah la kisûm thei leh vang, la bawlkhialna ziak ah thiamlo channa ding um lo mai ding ahi.

DAN LEKHABU 23:23

Lalpa la Pathian kiang ah la kipautiamna leh la thutep taphot chu, la kam ah pawt dungzui in gunchu tak ah la bawl tei tei ding ahi.

DAN LEKHABU 23:24

La Invêngte grep huan ah la chia lai in, la du jat jat, la vâ sêt in nethei in la tin; ahi’n, la puakdaw lo ding ahi.

JOSHUA 9:17

Tichun, Israelte chu a kuan ua, a ni thum ni chun a chênnau khawpite chu a vatung tau ah; a khawpiteu chu Gibeon, Kaphirah, Beeroth leh Kiriath-jearim te hi a hiu a.

JOSHUA 9:19

Ahi’n, hotute zosia chun mipite kiang ah chun, “Lalpa, Israelte Pathian min ah ka la kitiampiu ahi tak ziak un, amau chu I khoikhâk uh thiang talo ahi.