JOSHUA 9:11 - PATHIAN LEKHABU THIANGTHO (BSI)

¹¹ Chutichun, ka upateu leh ka gam ua chêng zosiate chun ka kiang un, ‘La zinnau ah la nêk malam ding uh puau inla, amau tawh kimutua dingin vachiau inla, a kiang un: “La suakte ka hiu; hung un la kichamna thuthung ei bawlpi un,” vatiu in,’ ei tiu a.

JOSHUA 9:11 ပူးပေါင်းရင်းမြစ်များ

THILSIAM THU 43:12

Chuleh, dangka le a le’ni keng un. La dip ua paisa um khale paw kit chiat unla; a la mu khial khâk pal uh le himaithei ahiziak in.

2 LENGTE 10:5

Tichun, lal In sung ah hotupente leh khawpi vaihawmte chun, upate leh nau enkolte chu tawh kithua in, Jehu kiang ah thu a thot tauah: “Kei uh hi la suakte ka hiu hi; la gen taphot bawl ing kau. Kuamacha leng dingin siam pua’ng kau; nang in pha lasak taphot bawl ziang in” ti in.

ESTHER 8:17

Lengpa thupiak tunna gambung tin leh khawpi tin ah chun, Judate â ding ah kipakna leh limna a um ziakin, luaithe’na leh awllênna’n a mang tau a. Zia mai chule hilo in, Judate a lau ziak un mi tam tak chu Juda mi ka hi ti’n a hung pang tau hi.

LUKA 9:3

a kiang un, “La khualzinnau ah hin tiangkhut, sakhau, vaithum leh dangka bangma keng kiu inla, puanâk chung thua le keng diak kiu in;

JOSHUA 1:11

“Giabuk ah chiau inla, mipite kiang ah zia gual hin thu vapiau in: ‘La nêk ding uh ngaituau in; ni thum sung in Lalpa la Pathian un a hun piakna gam chu lua dingin Jordan lui gâl kâi ding la hi ta’ngâl un,’ tiu in la,” a tia.

JOSHUA 9:10

Jordan lui gâl lam ah Amorte Leng pani Heshbon gam ah Leng Sihon leh Bashan gam ah Leng, Ashtaroth khua chêng Og te ni chung ah la thilbawl zosia kha ka la he ta’ngâl un.

JOSHUA 9:12

Ka vaithum puakteu hile en un; lam kâl ah ka nêk malam ding ua a salum ah ka hun puakdok uh ahi; ahi’n, tu’hin en tiam un, a keugawp zo ta’n, a ap khek khuk ziang ta hilam;

JOSHUA 9:8

Amau chun Joshua kiang in, “La suakte ka hiu,” ti’n a dawnhuu a. Chuleh, Joshua’n a kiang un, “Kua la hiu em? Khoi ah kipat hung la hiu em?” ti’n a dong a.