JOSHUA 8:8 - PATHIAN LEKHABU THIANGTHO (BSI)

⁸ Chuleh, khawpi chu la lak zaw phat uh leh, Lalpa‘n thu ei piak dungzui in, ngai un, thu ka hun pia ta la hiu, khawpi chu mei in la hâl tum diu a hi”; ti’n thu a pia tai.

JOSHUA 8:8 ပူးပေါင်းရင်းမြစ်များ

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

DAN LEKHABU 20:16

Himaleh, Lalpa la Pathian un la lua ding ua a hun piakna khawpi ah chêngte a hiu leh vang, a hing ah, a hathei taphot khêk nei lo ah la thâgam sik sek ding uh ahi;

JOSHUA 1:16

Amau inle Joshua kiang in, “La thupiak zosia chu bawl ing ka tiu in, lei sawlna taphot ah chunle chia ing kau.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 6:24

Khawpi leh a sung ah thil um zosia chu mei in a hâltum tau a; dangka thikte, sanate, sum-eng leh thîk ah kisiam, ûm leh bêlte bep chu Lalpa sumbûk ah chun a hun koi tau a.

JOSHUA 8:13

Sepaite chu a umna ding chiat un a koitup zo ta’n, sepai tam zaw chu khawpi mallam kâi in a koi ah, a nungdâlte chu khawpi tumlam kâi in a um ui. Ahi’n, zia jan ah chun Joshua chu phâiguam ah chun a giak a.

JOSHUA 8:2

Jeriko khawpi leh a lengpau chung ah la bawl gual in, Âi khua leh a lengpau chung ah le bawl ding la hi’ngâl ah; gâl lâk thil leh gancha zosia chu la chan ding un chawm gam tau in. Khawpi nung lam ah kipat bulu dingin a chângpang koi in,” ti’n a gen a.

JOSHUA 8:22

Chuleh, a dangte le amau do dingin khawpi lam ah kipat in a hung pawtdok ua; tichun, pakhat chale a suakcha leh a hing um lo in Israelte chun a that gam tau hi.

JOSHUA 8:28

Chutichun, Joshua’n Âi khua chu a hâl tum ta’n, tu’ni tiang ah thilsia kipaikhawmna’n a siam tai.

JOSHUA 8:7

a nung lam ua la chân-gûknau mun chiat ah kipat hung pawt in, khawpi chu la hun bulu ding uh ahi; Lalpa la Pathian un la khut un hun pia ding ahi ngâl a.

JOSHUA 8:9

Zia gual ah chun Joshua’n amau chu a sawldok ta’n; Âi khua tumlam kâi ah, Bethel leh Âi khua kikâl ah chân-gûkna mun zuan in a chia tau ah; zia jan ah chun Joshua chu giamun in a giak tai.

VAIHAWMTE 4:6

Ama chun Naphtali gam ah Kedesh mun ah chêng, Abinoam chapa Barak ko dingin mi a sawl ah, a kiang in, “Lalpa, Israelte Pathian in hiti hin thu a hun pia’i: ‘Chia inla, Naphtali leh Zebulun phung te ni ah kipat mi sîng khat ko khawm in, Tabor tâng ah vapang un,