JOSHUA 8:33 - PATHIAN LEKHABU THIANGTHO (BSI)

³³ Israel mipi zosia, gam dang mi leh gam ah chêngsa zosia, a upateu tawh puituteu leh vaihawmteu zosia chu, Lalpa thuthung thingkuang jawn thiampute ma-âng ah chun a ding khawm tau ah; a kimkhatte chu Gerizim tângpang ah chun a ding un, a kimkhatte chu Ebal Tângpang ah chun a ding un; tichun, Lalpa suak Mosi’n Israelte chu a maljawl phot ding uh ahi ti thu a piak tâk gual ah khan.

JOSHUA 8:33 ပူးပေါင်းရင်းမြစ်များ

PAWTDAWNA THU 12:49

Khawtual mi hitaleh, la lak ua malzin hung umte â dingin dan pakhat kibang la zui diu ahi,” a tia.

THIAMPUTE LEKHABU 24:22

Gam dang mite â ding leh nangmau gam sung ah mite â dingin dan pakhat, a kibang la nei ding uh ahi: Keima hi Lalpa la Pathian uh ka hi’ngâl a,” ti’n gen in, a tia.

KISIMNA LEKHABU 15:15

Mipi pung khawm zosia lak ah nang uh tawh, la lak ua gam dang mi chêngdente zosia’n, dan zui ding pakhat bep la nei ding uh ahi, zia dan chu la suan zosia tiang un, khang tin in a mat ding uh a hi; nang uh tawh la lak ua gam dang mi chêngdente hile la leng un Lalpa âng ah kibang chiat la hi ding uh ahi ngâl a.

KISIMNA LEKHABU 15:16

Nanghaw tawh la lak ua nam dang chêngdente hin, dan thuguat pakhat leh chawn dan kibang ah la um ding uh ahi, ti in.

KISIMNA LEKHABU 15:29

A gam sung mi Israel hileh, gam dang mi la lak ua chêngdente chun, chanpal ah thil bawl khial taphot in zia dan chu kibang tak in la zui gêl ding uh ahi.

JOHAN 4:20

Ka pu leh pateu in zia tâng ah hin Pathian a ho sek un; himaleh, nang un, ‘Min Pathian a biakna ding uh chu Jerusalem ahi,’ la tiu in,” a tia.

DAN LEKHABU 11:29

La luana ding uh gam ah Lalpa la Pathian un a hun pui lût phat leh, Gerizim tâng ah chun maljawlna koi unla, Ebal tâng ah chun hânsia lawna koi un.

DAN LEKHABU 31:12

Mipi zosia: Pawsal, numei, naupang nalaite leh la In ua midang um zosia chunle a ngaithâk ua, a zil ua, Lalpa la Pathian uh chu lau dan a hun het ua, zia dante hi gunchu tak ah a hun zop theina ding un la ko khawm ding ahi;

DAN LEKHABU 31:25

Lalpa thuthung thingkuang jawn ah pang, Levite chu Mosi’n zia gual hin thu a pia’n:

DAN LEKHABU 31:9

Chun, Mosi’n zia dan chu a zikdok ah, thiampute, Lalpa thuthung thingkuang pua ah pang, Levi chate leh Israel upate zosia kiang in a pia’n.

JOSHUA 23:2

tichun, Joshua’n Israel mipi zosia, a upateu leh a Inkuan tin luchangteu, a vaihawmteu leh a hotuteu zosia a ko khawm ah, a kiang un, “Keima ka upa ta’n, têk le ka têk ma ma tai” a ti’n;

JOSHUA 24:1

Chun, Joshua’n Israel nam zosia Shekhem mun in a ko khawm ah, Israelte lak ah phung tin ah upate, puitute, vaihawmte leh a hotuteu zosia a kosak ah; amau le a leng un Pathian ma-âng ah chun a hung kilâk chiat tau a.

JOSHUA 3:14

Chuleh, mipite chu Jordan lui gâl kâi ding ah a puanbûk chiat ua kipat a kipatdaw lai un, thuthung thingkuang jawn thiampute chu mipite âng in a chiau a.

JOSHUA 3:3

mipite chun, “Levi dan ah thiampute’n Lalpa la Pathian uh thuthung thingkuang a jawn uh la mu phât ua leh, la giamun chiat ua la kipatdaw diu ahi. Ama chu zui ngâl un,

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

JOSHUA 4:10

Mosi’n Joshua thu a la piak gual in, Lalpa‘n mipite kiang ah hi ding ah Joshua thu a la piak zosia a bawl zaw masiau chu, thuthung thingkuang jawn thiampute chu Jordan lui lai tak in a ding den tau a. Tichun, mipite chu kinaw tak in a gâl kâi zo tau hi.

JOSHUA 4:18

Lalpa thuthung thingkuang jawn thiampute chu Jordan lui lai ah kipat a hung pawtdok ua, thiampute keng in mualkâng a chot phat in, Jordan lui tuite chu a luan ngai in, a luikam dim in a luang mat kit tai.

JOSHUA 6:6

Tichun, Nun chapa Joshua chun thiampute chu a ko khawm ah, a kiang un, “Thuthung thingkuang chu jawn unla, thiampu sagi in Lalpa thuthung thingkuang ma lam ah chun belamchal kî pengkul sagi chu chawi in chiau hen,” a tia.