JOSHUA 8:31 - PATHIAN LEKHABU THIANGTHO (BSI)

³¹ Mosi dan lekhabu ah Lalpa suak Mosi’n Israelte thu a la piak, “Suang kisêk hilo, chuleh a chung ah thîk matchâk him him kilek kha lo in mâichâm siam in,” a la ti gual ah kisiam chung ah chun Lalpa â dingin hâlmang thilpiak leh kichamna thilpiak ah kithoina chu a lân tau a.

JOSHUA 8:31 ပူးပေါင်းရင်းမြစ်များ

2 LENGTE 14:6

Himaleh, tualthatte chate chuvâng a thatlum puai; Mosi dan ah kizik dungjui in Lalpa‘n zia gual hin thu a la pia ta’n: “Chate ziakin pate chu thalup ding ahi puau, pate ziak inle chate chu thalup ding ahi diak puau hi; himaleh, mi tin amau gitlona ziak chiat un thalup ding a hiu,” ti in.

2 LENGTE 22:8

Tichun, thiampu lianpen Hilkiah chun, lekhazikpa Shaphan kiang ah chun, “Zia Lalpa In ah hin dan lekhabu ka mudok hi,” a tia. Tichun, Hilkiah chun zia lekhabu chu Shaphan kiang in a pia, ama chun a sim a.

2 KHANGTHU 25:4

Mosi Dan Lekhabu ah, Lalpa thupiak, “Chate gitlona ziakin a pate chu thalup ngai hipua’n tin, nu leh pate gitlona ziakin a chateu le thalup ngai hipua’n au; mi tin chu amau gitlona ziak bep in a thi diu ahi,” ti zik ahi dungzui in, a chateu chu vang a that puai.

2 KHANGTHU 35:12

Hâlmang thillat ding ah a gancha tha’teu chu Mosi lekhabu’ kizik gual in, mite’n Lalpa kiang ah a lat theina ding un, a Inkuan kikhennau dungzui chiat un a hawm tau a. Bawngchalte chule zia gual tho ah chun a hun bawl tau hi.

EZRA 6:18

Tichun, Mosi lekhabu kizik dungzui in, Jerusalem ah Pathian hona nasêm dingin thiampute chu chan a kihawm ua, Levite le a panmun chiat un gual tuak a hitau hi.

NEHEMIAH 13:1

Zia ni chun Mosi Lekhabu chu mipite het in a simdok un; Pathian mite kikhopna him him ah chun Ammon mite leh Moab mite chu bangtik lai inle a pan lo diu ahi, ti thu kizik chu a simdok tau a.

PAWTDAWNA THU 18:12

Chuleh, Mosi sungpa Jethro chun hâlmang thillat leh kithoinate chu Pathian â dingin a hun la; chuleh, Aron leh Israel upate zosia chu, Pathian âng ah Mosi sungpa an nêkpi dingin a hung khawm tau hi.

PAWTDAWNA THU 24:5

Israel mipite lak ah tangvalte chu a sawl ah, amau chun hâlmang thillat tawh kichamna bawngchal Lalpa âng in a hun lân ua.

MATTHAI 12:26

Setan in Setan ma a nawdaw chun, ama leh ama kikhen a hita’n, bangti’n a gam chu dingdok thei ding a hem?

DAN LEKHABU 27:2

Lalpa la Pathian un a hun piakna gam lut ding ah Jordan lui la kân ni phat ua leh, suang lian tak tak phu unla, suanglo la nu’ ding uh ahi.

DAN LEKHABU 27:8

La suang tian khawmteu chung ah, zia dan thute zosia chu kichian tak in la zik ding uh ahi.

JOSHUA 1:8

Zia dan lekhabu hin la kam pawtsan ki’hen la; a sung ah kizik dung zui ah chingthei tak ah la bawltheina dingin, a thute chu a sûn a jan in ngaitua sek in. Ziaphat chuleh, la lampi lamzang intin, lawting ding la hi’ngâl a.