JOSHUA 7:6 - PATHIAN LEKHABU THIANGTHO (BSI)

⁶ Ziaphatchun, Joshua chun, Israel upate tawh a puanteu botthêk in, Lalpa thuthung thingkuang mai ah bokkhup in a mâi ua lei tual si hial in a luchung ua leivui kibuak khum in, nitâk lam tiang in a bokkhup tau a.

JOSHUA 7:6 ပူးပေါင်းရင်းမြစ်များ

THILSIAM THU 37:29

Reuben in kawkhûk lam a va etkit phat ah chun, Joseph a la um ta pua’n; tichun, a puanâk a bot thêk tai.

THILSIAM THU 37:34

Tichun, Jakob in a puan a bot thêk ah, saidip puan sil in, ni sawt tak a chapa chu a sûn tai.

2 SAMUEL 1:11

Ziaphatchun, David in a puante a botthêk ah; a kiang ah um zosia chunle ama bawl gual in a puan uh a botthêk chiat tau a.

2 SAMUEL 1:12

Zia nitâk lam tiang ah chun anngawl in Saul leh a chapa Jonathan tawh Lalpa sepaite leh Israel Inkuan, chemjam ah thi zosia sûn in a kap tau a.

2 SAMUEL 1:2

A nithum ni’ chun, Saul leh a lawite giabuk ah kipat pawsal pakhat, puanâk tel neng nung leh a luchang ah buanthuak bek net nut in a hung a. David kiang a hung tun phatin leitual ah bokkhup in jâna a hun pia.

2 SAMUEL 12:16

Ziaziakchun, David in Lalpa kiang in nausen â dingin a dot piak ah; David in anngawl in a lût ah, jankhua’n tuanglai in a lum tai.

2 SAMUEL 13:19

Himaleh, Tamar chun a puanâk chual chu a botthêk ah, leivui kibuak khum in, a lujang ah a khut kiltua in a chia mang ta’n, a chia kawm in ngai tak in a kap jak tai.

2 SAMUEL 13:31

Lengpa chu a dingdok ah, a puan a botthêk ah, lei tual ah chun a kizam ta’n; chuleh, a kiang ah ding a suakte zosia chunle a puan uh a botthêk chiat tau hi.

2 LENGTE 22:11

Lengpa chun zia Dan Lekhabu ah thute chu a hun het phat in, a puante chu a botthêk tai.

2 KHANGTHU 34:19

Lengpa chun Dan thute chu a het phat in a puante chu a botthêk tai.

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

ESTHER 4:1

Mordekai in a thilbawl zosiau chu a la het phat in, Mordekai in a puan botthêk ah saidip puan sil in, leivui a kibuak khum ah, khawlai ah vâkvêl in, ngai tak leh thasia tak in a kap a;

ESTHER 4:3

Lengpa thupiak leh a thu vaisawm tunna gambung taphot ah chun, Judate lak ah lusûnna huaisia tak, anngawlnate, kâ leh mauna a hung um ah; mi tam tak chu saidip puan sil in leivui lak in a lum tau a.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

JOB LEKHABU 2:12

A vak gâl mu lai un a mêl chu a hethei ziang ta puau a, aw ngai tak in a kap ta mai un; a puan uh botthêk in leivui a kibuak khum tau a.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

KÂ LATE 2:10

Zion chanu upate chu thipbek in, lei tual in a kichu tau a; a luchung uh leivui kibuakkhum in, saidip puan a sil ui; Jerusalem ah ngaklakte chun, a luu ah leisi’n a kikhâikhu zo tau hi.

KISIMNA LEKHABU 14:6

Chuleh, gam entha’ vachiate lak ah pang, Nun chapa Joshua tawh, Jephuneh chapa Kaleb chunle a puanâkteu a bot thêk un;

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

KISIMNA LEKHABU 16:45

“Zia mipite hi mitphet kâl sung bep ah ka hi’mangthai theina dingin a lak ua kipat hung pawt mang un,” a hun tia. Chun, a mai ua lei tual si’n a bokkhup tau a.

NASEPTE 14:14

Chutia, a thilbawl guat uh chu Paul leh Barnaba chun a het phat un, a puan uh botthêk in mipi lak ah chun a tailut un, a kiko ua:

JOSHUA 7:7

Joshua chun, “Tamaijen, Lalpa PATHIAN! Amorte khut ah sukmangthai ding bep ah, bang ding ah zia mipite hi Jordan lui gâl la pui kâi khel khel ahi tam? Bang ding ah Jordan lui gâl lam ah khan lungawi tak ah a la um zaw mai lo ka hitau em!

THUPUAN 18:19

Chun, a luchung un leivui a kibuak khum un, a kiko ua, kap leh mau kawm in: “A chung a gik hi, a chung a gik hi! Khawpi lopi, tuisuagiat ah Long nei zosia hausak khawlawna, hun dan kâl khat sung in ama chu, bangmalo a hita!

VAIHAWMTE 11:35

A chanu a mu phât in, a puan a botthêk ah, a kiang in, “Aw ka chanu! Nang in lei hi’niam na lawm lawm e! Ei sulungngai pen in la hung pang ta hilam! Lalpa kiang in kam ka la sua ta’ngâl ah, kijuk kit thei lah ka hita pua’n,” a tia.

VAIHAWMTE 20:23

Israelte chu kitîlhangsan kit in, ni masa ah gâldo ding ah a pannau mun ma ah khan a hung kitiang kit tau a.

VAIHAWMTE 20:26

Ziaphatchun, Israel mipi zosia tawh sepai zosia chu Bethel ah chia kit in, Lalpa âng ah kitung ah kap in, nitâk lam tiang in an a ngawl tau a. Chuleh, Lalpa âng ah hâlmang thillat leh kichamna kithoina thillatte a lân tau a.

VAIHAWMTE 21:2

Chun, mipite chun Bethel mun ah hung in, nitum in Pathian âng ah kitung in, aw ngai tak ah kiko in a kap tau hi.

1 SAMUEL 4:12

Zia ni ma ma’ chun, Benjamin phung ah mi pakhat, a puante tel net nut leh a luchung leivui nât nem num in, kido’na kipat in Shiloh a hung tai tung a.