JOSHUA 7:2 - PATHIAN LEKHABU THIANGTHO (BSI)

² Joshua’n Jeriko khua kipat in Bethel sualam ah Beth-aven kiang ah Âi khua lam in mi a sawl ah, a kiang un: “Vachiau inla, gam chu va enthau in,” a tia. Tichun, a chiau ah, Âi khua chu a vaen tha tau a.

JOSHUA 7:2 ပူးပေါင်းရင်းမြစ်များ

THILSIAM THU 12:8

Zia kipat chun Bethel sak lam tâng tiang in a kichawn ah, zia tak ah chun a puanbûk a jak ah, tumlam ah chun Bethel a um ah, sualam pang ah chun Âi khua a um hi; zia tak ah chun Lalpa â dingin mâichâm a siam kit ah, Lalpa min chu a ko tai.

THILSIAM THU 28:19

Chuleh, zia mun min chu Bethel a sak ah, a lim in zia khawmin chu Luz ahi.

1 LENGTE 12:29

Pakhat Bethel in a tungah, khatzaw chu Dan ah a koi tai.

NEHEMIAH 11:31

Benjamin phung ah mite chule Geba ah kipat in Mikmash, Aija, Bethel leh a khawpelte,

THUPILTE 20:18

Thuhilna ngaisakte thil guanggalna chu a lamzang in; pil tak ah puihuaina chu zui in gâl do bep in.

THUPILTE 24:6

lemguatpina pil chun vang la gâlte do thei in la tin; lemguatpi tamna chun gâl zaw’na a um sek hi.

ISAI 10:28

Aiath mun a hung tung tai; Migron a hawtheng in, Mikmash mun in a van a koi malam in;

JEREMIAH 49:3

Aw Heshbon, Âi khua suksiat ahi tâk ziakin, ha-kâ in kap ta’n! Aw Rabbah chanute haw, kap jak tau in! saidip puan sil unla, sûn unla, buai lei lui in tai tawl het hut tau in. Milkom chu a thiampute tawh, a tawi a chante pum in, sal ah pui mang ah um ding ahi ta’ngâl un.

HOSEA 4:15

Aw Israel, nawchi zuak tama lechin, Judah vang thiamlo chang ki’hen. Gilgal ah lut kin la, Beth-aven ah le chia to kin, “Lalpa a hin nâk leh,” ti’n kihaksial diak kin.

MATTHAI 10:16

Ngai un, ngei hon lak ah belam um gualin ka hun sawl la hiu hi; tichun, gûl gual ah pil, vakhu gual ah poikhoi lo in um un.

EPHESA 5:15

La hin dan uh chu mingolte gual ah umlo in, mipilte gual in pilvâng tak in um zaw tau in.

JOSHUA 12:9

Jeriko khua leng pakhat, Bethel khua kiang ah Âi khua leng pakhat,

JOSHUA 18:12

A mallam gamgi ding uh chu Jordan lui in a kipan a; Jeriko simlam kenliang in a kithungto pek ah, tumlam ah tâng gam lam in a chia to pek ah; Beth-aven gamthip in a tawp tai.

JOSHUA 2:1

Ziaphatchun, Nun chapa Joshua’n, Shittim ah kipat in a gûk in mi pani a sawl ah, a kiang un, “Chia unla, a gam pha tak in vaen unla, a diak in Jeriko khawpi chu vaenchian un,” a tia. Tichun a chiau ah, nawchizuak khat, a min Rahab In ah lût in, a giak den tau a.

JOSHUA 7:3

Joshua kiang in a hung kit ua, a kiang in, “Mi zosia chia a ngai puai; mi sâng ni a hem, sâng thum a hem chia ah, Âi khua chu valâk mai ding ahi. Mi tawmcha a hiziak un, mi zosia va kisukbuai sak lo mai in,” ti’n a gen tau a.

1 SAMUEL 13:5

Philistinte chu Israelte do dingin a kikokhawm un; sakol kângtalai sîng thum, sakol sepai sang guk tawh, tuisuagiat pang ah piaunêl gual ah tam sepai hon a hung khawm tau a; a hung kuan to ua Mikmash mun, Bethaven ah chun a hung kikul tau hi.

1 SAMUEL 14:23

Tichun, zia ni chun Israelte kiang in zaw’na Lalpa‘n a pia tai. Beth-aven khêl lam tiang in gâl a sat tau ah; chuleh, Saul lam ah pang sepaite chule sîng khat lam a hung ting tau hi. Kido’na thawmgi chu Ephraim tânggam tiang in a kithang tai.

1 SAMUEL 30:27

Zia gual ma chun Bethel ah umte, mallam ah Ramoth ah umte, Jather ah umte,