JOSHUA 7:19 - PATHIAN LEKHABU THIANGTHO (BSI)

¹⁹ Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

JOSHUA 7:19 ပူးပေါင်းရင်းမြစ်များ

2 LENGTE 20:15

Jawlnei chun, “Aleh, la Insung ah khan bang bang a hung muu em?” ti’n a dong kit a. Hezekiah chun, “Ka In ah um zosia a mu suak kei ua: ka go thilte zosia hi a et lo uh pakhat chale a um puai,” ti’n a dawnhu tai.

2 KHANGTHU 30:22

Hezekiah in Lalpa nasepna thiam tak ah pang Levi chite zosia tîlkhona thu nasa tak in a gen tai. Tichun, mipite chun ni sagi sung chu luaithena an chu a neu ah, a pu leh pateu Lalpa, Pathian kiangah Kichamna thillat lân in, kipak thute a gen tau hi.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

SAM 51:3

Ka hi’khelnate ka he ta hen, ka gitlona ka man a um zing hi.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

ISAI 13:12

Mihingte chu sana thiangtho sâng ah, vâng zaw’n hun siam ing ka tin; mihingte chule Ophir sana sâng in, hung vângzaw ta’n au.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

DANIAL 9:4

Lalpa ka Pathian kiang ah gitlo thupha chawi in, zia gual hin ka pauchap a: Aw Lalpa, Pathian thupi leh lau um, nangma hun hepi ah la thupiak jawmte chung ah thuthung leh ja’ngaina vopzingpa,

LUKA 17:18

Zia gam chuam mi longal hi, Pathian chawihoi ding ah hung kit a um puau hi,” a tia.

JOHAN 9:24

Ziaphatchun, mitthûmpa chu a ko kit ua, a kiang in, “Pathian chu pâk ta’n! Zia mipa kha vang migilo ahi ti ka hiau hi,” a tiu a.

ROMTE 10:10

Min lunggil ah a gin chun dikna a mu hen, kam in a puangdok ah, hukhinna a mu sek ui.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

TITA 2:2

Upate chu kisûm ding, ja’um, a hun tiang he, ginna dik tak nei, hepina leh thok-hatna nei ding in;

JAKOB 1:20

Mihing lungnatna’n Pathian dikna a sua pawngal a.

JOSHUA 7:20

Chun, Akan in Joshua a dawnhu ah, “A dik hi; Israelte Lalpa Pathian chung ah thil bawlkhial chu keima ka hi. Thil ka la bawl chu zia hi ahi:

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

1 SAMUEL 14:43

Ziaphatchun, Saul in Jonathan kiang in, “Bang a la bawl la hi em ti ei hil in,” a tia. Jonathan in, “Zia ka tiangkhut mûk ah khuaizu neucha ka la tep ahi; zia hin ka um hi, thi tâk ka hi,” ti’n a hun dawnhu a.

1 SAMUEL 6:5

Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.