JOSHUA 7:12 - PATHIAN LEKHABU THIANGTHO (BSI)

¹² Ziaziakchun, Israelte chun a mêlmateu zo thei ta pua’n au; amau chule suksiat ding ah hânsia kilawkhumsa gual in a kisiam tâk ziak un, a mêlmateu âng ah jamsia zaw ta’n au. La lak ua kipat hânsia lawkhum sate chu la sukmangthai masang siau hun umpi talo ding ka hi.

JOSHUA 7:12 ပူးပေါင်းရင်းမြစ်များ

SAM 44:10

Mêlmate âng in lei jamsiat sak ah, ka mêlmateu in gâl lâk in ei chomgam tau hi.

SAM 60:10

Aw Pathian, nangma’n lei pâm pai ta hilo a hem? Aw Pathian, ka sepaiteu, la kitonpi nuam ta paw’ngal in.

THUPILTE 28:1

Migilo chu del lo in a tai in, midik vang sakeibaknei gual in a hangsan hi.

ISAI 59:2

La khawlonau chu Pathian tawh la kikâl ua, daidanna’n a hung pang zaw ta’n, a mêl a lia tâk ziakin a hethei talo a hizawi.

JEREMIAH 23:33

Chuleh, zia mite hi a hem, jawlnei khat a hem leh thiampu khat a hem in la kiang ah, “Lalpa puaknat chu bang a hem?” ti ah a hun dot phat leh, a kiang in, “Nanghaw hi a puaknat chu ahi, hun pâmpai ding ka hi, Lalpa‘n a tii,” ti’n la dawnhu ding ahi.

JEREMIAH 6:8

Aw Jerusalem, vauhilna hi ngai in, achutiloleh, hun nungngat ing ka tin, nutsia ah um in, kuama chên lo’na’n, hun siam mai ding ka hi.

HOSEA 9:12

Chate hun nei ta mawng leule, pakhat ziang le a sûn lo uh koi pua’ng ka. Amau ka nutsia dingte chung chu a gik na lawm lawm e!

HABAKKUK 1:13

Thil phalo en dingin la mitte, a thiangtho talua hen, thil phalo bawlte chu la entha pei puai; bang ziak ah mi dawhathûkte la ngaithei ah, amau sâng ah diktat zaw te a valzaw tak uh leh, thipsan hiat hiat la hem?

KISIMNA LEKHABU 14:39

Mosi’n zia thu chu Israelte zosia lak ah a gendaw phatin, mipite chu nasa tak in a patau tau a.

KISIMNA LEKHABU 14:42

Chia to kiu in, Lalpa‘n a hun umpi paw’ngâl ah; la mêlmateu thagam mai dingin kipe ziang kiu in.

KISIMNA LEKHABU 14:43

Amalekte tawh Kanaan mite chun a la do ding a hiu in, a chemjam ua thi mai ding la hi’ngâl un; Lalpa la kiheimangsan tâk ziak un, Lalpa‘n le hun umpi talo ding ahi,” a tia.

KISIMNA LEKHABU 14:45

Ziaphatchun, tâng gam ah chêng Amalekte tawh Kanaan mite hung kuan suk in, a hung do ua, a zo tau a; Hormah tiang in a hung del mang tau hi.

DAN LEKHABU 7:26

Thil buakte him him la In sung ua la lâk lut lo ding uh ahi; amau gual ah nanghaw le hisiat in um kha’n lau. Hânsia law khumsa leh hisiat ding ah um ahi tâk ziak un, nasa tak in ki’dak unla, haw ma ma ziang un.

JOSHUA 6:18

Nang uh chu zia thil hânsia lawkhumsa lak ah kipat hin kikoi kâng unla, suksiat ding ah kipedoksate hi a la en lâ in, Israelte giamun hi hânsialaw ding ah siam in, a chung ah buaina tunsak khawlaw in lau.

VAIHAWMTE 16:20

Ziaphatchun, a kiang in, “Samson, Philistinte a hung tau!” a tia. A hung khatlaw phatin, “Hun dang ah gual tho khan vak kije ing ka tin, vak kitomdok ing ka,” ti’n a ngaitua ah. Lalpa‘n a la taisan ta ahi ti lam him him a he puai.

VAIHAWMTE 2:14

Tichun, Lalpa chu Israelte chung ah a lungna, amau chu mi suamte suam dingin a pedok ta’n; chuleh, a kîmvêl ua um, a mêlmateu khut ah a zokdaw tâk ziakin, a gâlteu âng in a pang thei ta puau a.

VAIHAWMTE 2:4

Lalpa vansawlchâk in zia thute chu Israelte zosia kiang ah a gen zaw phatin, mipite chu aw ngai tak in, a kap tau a.

1 SAMUEL 14:38

Saul in, “Mipite lak ah upate haw hung khawm tiam un; tu’ni hin zia gual ah gitlona hi bang gual ah hung kipan a hem ti hawldok hitiu.