JOSHUA 7:11 - PATHIAN LEKHABU THIANGTHO (BSI)

¹¹ Israelte’n thil a hi’khial tau ah; ka thuthung vop phat ding ka ti chung in a talêk ua; thilpiak khen khat a kilak ua, a guu ah, lepchia tak in a tawi un, amau thil neisate lak in a koikhawm tau hi.

JOSHUA 7:11 ပူးပေါင်းရင်းမြစ်များ

2 LENGTE 18:12

Lalpa a Pathian uh aw chu ngaisak lo in, a thuthung chu a botsiauah, Lalpa‘n a suak Mosi mang ah a thupiakte chu a zui nuam puau a, ngaile a ngai nuam puau hi.

2 LENGTE 5:24

Gâlvênna mun a hung tun phat un, sakhau chu a la, a sung in a siam lut ah; amau chu a chiasak ta’n, a nusia tau hi.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

THIAMPUTE LEKHABU 5:15

La lak ua kua a hem khat in Lalpa thilzek thiangtho a hi’buak khâk chun, a thil hi’buakna kithoina dingin Lalpa kiang ah belam a chal pakhat demna bei, gan hon lak ah kipat in pakhat a hun piak ding ahi: zia chu a man dingle hisap thei tho intin, mun thiangtho shekel tawh kituk dangka le a pethei hi; zia chu gitlo thoina thillat ahi.

HABAKKUK 2:6

Zia gual mite chu mitin in a demna ding un, engho’na thuchingchom phuak intiu in, “Ama â hilo ah kisupung ah, kimisak chu a chung a gik na e! Mite kitiamna thil bang chan lakhawm nalai ding la hem?” a tiu a.

ZEKARIAH 5:4

Keima sepai honte Lalpa ngei in ka gen ah, ka sawldaw ahi tai; tichun, migucha In ah lut intin, diklo tak ah ka min ah kihaksialte In ah le lut in a; zia In ah chun chêng den intin, zia In ah um, a thing leh suangte chule kâng tum ta’n a,” a tia.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

NASEPTE 5:9

Ziaphatchun, Peter in a kiang in, “Bangtidan ah, Lalpa Thagau thêm ding ah hung kithu gual ziang la hiu em? Entia, la pawsal vuite keng chu kotkhak bul a hung tung tau hi, nang le hun jawndok ding a hitau hi,” a tia.

DAN LEKHABU 17:2

Lalpa la Pathian un a hun piakna khua taphot ah, pawsal hileh, numei hileh, Lalpa la Pathian uh mit mu ah thil phalo bawl la mu phot ua leh,

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

JOSHUA 23:16

Lalpa la Pathian un la pom ding ua thuthung a hun piak chu, bawtsia ding ah pathian dangte na la sep ua, a âng ua la khiangkho ua leh, Lalpa lungnatna la chung un kuangjak intin, gam pha tak a hun piakna kipat hin, mangthai pai ngâl ding la hiu, ti he tau in, ti’n a gen tai.

JOSHUA 7:1

Himaleh, Israel chate’n hânsia lawkhumsa thilte ziakin a ginnau a la susia kha tau ah: Judah phung ah mi, Zerah chapa Zabdi chapa Karmi chapa Akan in hânsia lawkhum sate lak ah kipat bang a hem jat a la kilâkdaw ta’n; tichun, Israelte chung ah Lalpa a lungna ta’i.

JOSHUA 7:10

Lalpa‘n Joshua kiang ah chun, “Ding in! Bang ding ah la mai ah leitual si’ bokkhup zing la hi em?

VAIHAWMTE 2:20

Tichun, Lalpa lung natna chu Israelte chung in a hung kuangjak ta’n; chuleh, a kiang un, “A pu leh pateu kiang ah thuthung ka la piak kha zia mite hin a bawtsiau ah, ka thu him him a ngai lo ziak un,

1 SAMUEL 14:38

Saul in, “Mipite lak ah upate haw hung khawm tiam un; tu’ni hin zia gual ah gitlona hi bang gual ah hung kipan a hem ti hawldok hitiu.