JOSHUA 6:6 - PATHIAN LEKHABU THIANGTHO (BSI)

⁶ Tichun, Nun chapa Joshua chun thiampute chu a ko khawm ah, a kiang un, “Thuthung thingkuang chu jawn unla, thiampu sagi in Lalpa thuthung thingkuang ma lam ah chun belamchal kî pengkul sagi chu chawi in chiau hen,” a tia.

JOSHUA 6:6 ပူးပေါင်းရင်းမြစ်များ

PAWTDAWNA THU 25:14

Thingkuang jawnna dingin zia mol chu a ning chiat ah a bil sung ah chun la gol lut ding ahi.

NASEPTE 9:1

Saul chun vang Lalpa nungzuite vau ah thalup a guat dan a gen zing ah; thiampu lianpen kiang in a chia a,

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 3:3

mipite chun, “Levi dan ah thiampute’n Lalpa la Pathian uh thuthung thingkuang a jawn uh la mu phât ua leh, la giamun chiat ua la kipatdaw diu ahi. Ama chu zui ngâl un,

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

JOSHUA 6:13

Thiampu sagi, belamchal kî pengkul sagi chawite chun a pengkul uh mût pek in, Lalpa thuthung thingkuang ma lam ah chun a chia pek tau a. Chuleh, gâlvan ah kithuamte chu a ma lam ua chia in, a nungdâlte chun Lalpa thuthung thingkuang chu a hun del pek ua, pengkul chu a mût pek tau a.

JOSHUA 6:5

Belamchal kî pengkul a hun mût hâm veng veng uh la het phat uh leh, mipi zosia chu ngai tak in kiko chiat un; ziaphat chuleh khawpi kulbâng chu chimtha gei gui intin, mipite chu amau jawn chiat un lût ta’n au,” ti in.

JOSHUA 6:7

Chuleh, mipite kiang ah chun, “Ma lam zuan in chia pek unla, khawpi chu vêl suak un; gâlvan chawite chu Lalpa thuthung thingkuang ma lam in chiasak un,” a tia.

JOSHUA 6:8

Joshua’n mipite chu thu a piak zaw phatin, thiampu sagite chun Lalpa ma âng ah belamchal kî pengkul sagi chu chawi in, ma lam zuan in a chiau ah, a pengkul uh mût malam pek in Lalpa thuthung thingkuang jawnte chun a zui pek tau hi.

1 SAMUEL 4:3

Sepaite giamun a hung tun kit phat un Israel upate chun, “Bang dingah Lalpa chun Philistinte âng ah ei sumualpho ziang ahi ta dia aw! Shiloh ah Lalpa thuthung thingkuang chu vala’n, zia hin koi hitiu, I lak ua a hung pan ah, I mêlmateu thilhitheina kipat ei hukdaw khâk leh,” a tiu a.