JOSHUA 6:4 - PATHIAN LEKHABU THIANGTHO (BSI)

⁴ belamchal kî pengkul sagi chu thiampu sagite chun khat chiat ah chawi in, thuthung thingkuang jawnte ma-âng ah chun a chia ding uh ahi. A ni sagi tin ni leh zia khawpi chu sagivei vêl suak unla, thiampute chunle a pengkul uh mût chiat uh hen.

JOSHUA 6:4 ပူးပေါင်းရင်းမြစ်များ

THILSIAM THU 2:3

Tichun, Pathian in a ni sagi ni chu maljawl in, a chang tai: Pathian in a thilsiam zosia a haisan ni chu a hithiangtho tai.

1 LENGTE 18:43

A suakpa kiang in, “Tu’hin vachia to inla, Tuisuagiat lam vaen in,” a tia. A chia to ah, a vaet leh, “Bangma a um puai,” a tia. Ziaphat chun, “Sagivei vachia kit in,” a tia.

2 LENGTE 5:10

Elisha in a kiang in mi khat a sawlah, “Chia in, Jordan ah sagivei vakisil in; chutileh, la taksa hung pha kit intin, thiang ta’n la,” a vati sak a.

2 LENGTE 5:14

Tichun a chia ah, Pathian mi thugen dungzui ah chun Jordan ah chun sagivei a vakidia ah; a taksa chu pawsal naupang taksa gual a hung hi kit ah a hung thiang tai.

2 KHANGTHU 13:12

Ngai un, Pathian chu ka hotu pen uh ahi’n, a thiampute chun kidona pengkulte chu chawi chiat in, nanghaw do ding ah mipi ko khawm zing dingsa pang zo a hitau hi, ti’n a gen a.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

2 KHANGTHU 20:19

Chuleh, Levi suan lak ah Kohath leh Korah chate chu Israelte Pathian chawihoi ah aw a ngai thei pen sua in a hung dingdok chiat tau a.

2 KHANGTHU 20:21

Mipite kiang ah thu a gen zaw phatin, nibîk poimaw ah a kithuamna ding uh a siampiakte chu kithuam ah, Lalpa pâkna La sa ding ah a la guatdawsate chu hung kipan in; “Aw, Lalpa kiang ah kipak thu gen un, a ngilneina chun kumtuang a dai ngâlah,” ti’n sepaite âng ah chun a chiau a.

JOB LEKHABU 42:8

Ziaziakchun, tu’hin, bawngchal pasagi tawh belamchal pasagi, ka suak Job kiang ah hun kai unla, hâlmang thillat vakibawl un; chuleh, ka suak Job in hun pauchap piak intin, zia chu a la pom piak ing ka tin, la mawl dungzui un hun thuk pua’ng ka; ka suak Job gual in ka chung thu dik tak in la gen paw’ngâl ua,” ti in.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

THIAMPUTE LEKHABU 14:16

a khut veilam ah sathau lak ah chun a changlam khutzung dia intin, Lalpa ma âng ah chun sathau chu sagivei a the’ ding ahi.

THIAMPUTE LEKHABU 4:6

thiampu’n gan thisan lak ah a khut dia in, them khat chu Lalpa ma-âng ah, mun thiangtho puanjak bul ah sagivei a the’ ding ahi.

ZEKARIAH 4:2

Ka kiang in, “Bang la mu em?” ei hun ti’n. Keima’n, “Sana thaumei tunna a chung ah belbuneu khat um; chuleh, a chung ah thaumei pasagi leh a phita sagi chiat kitua ka mu’n.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

KISIMNA LEKHABU 23:1

Ziaphatchun, Balak kiang in Balaam in, “Zia hin mâichâm sagi ei siam piak inla; chuleh, bawngchal sagi tawh, belamchal sagi le ei ngaitua piak in,” a tia.

JOSHUA 6:13

Thiampu sagi, belamchal kî pengkul sagi chawite chun a pengkul uh mût pek in, Lalpa thuthung thingkuang ma lam ah chun a chia pek tau a. Chuleh, gâlvan ah kithuamte chu a ma lam ua chia in, a nungdâlte chun Lalpa thuthung thingkuang chu a hun del pek ua, pengkul chu a mût pek tau a.

JOSHUA 6:3

Gâldo mite tawh a khawpi chu khatvei la vêl suak diu ahi. Zia gual ah chun ni guk sung la bawl ding uh ahi’n;

JOSHUA 6:5

Belamchal kî pengkul a hun mût hâm veng veng uh la het phat uh leh, mipi zosia chu ngai tak in kiko chiat un; ziaphat chuleh khawpi kulbâng chu chimtha gei gui intin, mipite chu amau jawn chiat un lût ta’n au,” ti in.

THUPUAN 1:20

Ka khut changlam ah aksi pasagi la mute leh, sana thaumei koina pasagi la mute umzia thugûk chu: Aksi pasagite chun kochuam pasagite vansawlchâkte chu a etsak un; chuleh, thaumei pasagite chun kochuam pasagite chu a etsak ui,” a hun ti tai.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 10:3

Sakeibaknei kitom gual in aw ngai tak in a kiko ah; a kiko zaw in van-gi sagite chun a awu a sua tau a.

THUPUAN 15:1

Van ah chun tepte’na lopi leh lamdang tak khat ka mu’n; vansawlchâk pasagi, gawtna chi sagi chawi a um un; zia gawtna chu Pathian lungnatna kichaina ahi tangal a.

THUPUAN 15:7

Thilhing palite lak ah pakhat chun, vansawlchâk sagite kiang ah chun, sana belbu pasagi sung ah kumtuang ah hing zing, Pathian lungnatna dim chiat chu a pia.

THUPUAN 16:1

Tempul ah kipat aw ngai tak hin, vansawlchâk pasagite kiang ah chun, “Chiau inla, Pathian lungnatna belbu pasagite chu lei ah vabuntha tau in,” a ti ka he.

THUPUAN 5:1

Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

THUPUAN 8:2

Ziaphatchun, Pathian ma ah vansawlchâk pasagi ding ka mu’n; pengkul pasagi a hun piau a.

THUPUAN 8:6

Ziaphatchun, vansawlchâk pasagi pengkul pasagi chawite kha mût dingin a hung kisa tau a.