JOSHUA 6:23 - PATHIAN LEKHABU THIANGTHO (BSI)

²³ Gam entha vachia tangvalte ni chule a valut ua, Rahab tawh, a pa, a nu, a suapi pawsal leh a chanaute zosia leh a nei thil zosiau a vasomdok tau ah; Israelte giamun paw lam in a umsak tau a.

JOSHUA 6:23 ပူးပေါင်းရင်းမြစ်များ

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

THILSIAM THU 18:24

Khawpi sung ah midik sawmnga um ta leh amau ziak ah chun khua chu hawi diak lo ah sumangthai tho tho ding la hem?

THILSIAM THU 19:29

Chun, Pathian in phâicham khawpite a hi’mangthai lai ah khan, Pathian in Abraham chu a hezing in; tichun, Lot chênna khawpite a hi’mangthai lai ah chun Lot chu sukmanthaina lak ah pat in a hukdok tai.

KISIMNA LEKHABU 31:19

Giamun pawlam ah ni sagi giakdok un; la lak ua mi that kha leh mithiluang sukha taphot chu, a nithum ni leh a ni sagi ni’ chun, la salmatteu tawh la kihi’thian ding uh ahi.

NASEPTE 10:28

a kiang un, “Juda mite’n nam dangte kiang ah chia leh, kipawl hi dan tawh kikãl ahi dan nang un la hiau ah; himaleh, kuama thianglo leh buak ahi ka ti’lona ding un, Pathian in ei hiatsak ta ahi.

NASEPTE 27:24

ka kiang in, ‘Paul, lau kin, Lengpa Kaisar âng ah ding ngei ngei ding la hingal in, Long ah la chuan khawmpite zosia hile Pathian in a vênbit ei tai,’ ei ti hen.

1 KORINTH 5:12

Pawlam ah mite chu keima’n ka ngaituana ding a um ah a hem? Nang un sunglam ah mite chu la ngaitua diu hilo a hem?

EPHESA 2:12

Zia lai ah khan Khrista neilo in, Israelte khua leh tui tawh kikhendan in, khawvel ah kinepna him neilo leh Pathian neilo in, thutiam thuthung lak ah kipat malzin la hiu kha hezing tau in.

HEBRAITE 11:31

Ginna’n nawchizuaknu Rahab khan enthate kha thamuang tak ah a tunsak ziakin, a ginglote manthaina khan a mangthai khawm ta puai.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

JOSHUA 2:13

ka pa, ka nu, ka suapite leh a nei zosiau thi’na ding lak ah kipat ei humbit dingin ka ni la hiu,” a vati ta’n.

JOSHUA 2:16

Chuleh, a kiang un: “A hun delzuite khan a hun muphâk lona ding un tâng lam in chia to phot un. A hun hawlte a kile’kit masangsiau zia lam ah chun ni thum va kisêlgu phot un; ziazaw chuleh, chia theng thei ta’n lau,” ti’n a gen nalai a.

JOSHUA 2:18

Zia gam hi ka hun do phat ua leh, kei uh lei khâithâkna tukvan ah hin zia khauhual san hi la la khâithâk lo ah; chuleh, la pa leh la nu, la suapite leh la Insung mi zosia la la umpi lo ah,

VAIHAWMTE 1:25

A ma’n khawpi sung lutna chu a hil phat in, khawpi chu chemjam ah do in a la tau ah. Ahi’n la, zia mipa leh a Inkuanpite zosia chu a thâdok tau hi.