JOSHUA 6:21 - PATHIAN LEKHABU THIANGTHO (BSI)

²¹ Ziaphatchun, khawpi sung ah um zosia, pawsal leh numei, chapang leh piting, bawngchal, belam leh sabiltung a leng un chemjam in a that gam sik sek tau hi.

JOSHUA 6:21 ပူးပေါင်းရင်းမြစ်များ

1 LENGTE 20:42

Tichun, a kiang in, “Lalpa‘n zia gual hin a gen hi: ‘Sukmangthai ding ah la latdawsa mipa chu la chia mang sak tâk ziakin, ama hinna thasâng ah la hinna hi’ntin, ama mipite thasâng ah la mipite hiding a hiu,’ a tii,” ti’n a gen tai.

JEREMIAH 48:18

Dibon chanu, la lalchutpha kipat in, la lopina kipat ngei in hung kum suk inla, lei gawchâk ah hung kichu ta’n! Moab suam dingpa chu, nangma do in a hung kuandok ta’n, la kulpi dette chu a susia zo tai.

DAN LEKHABU 13:16

Gâllâk thil zosia chu khawlai ah siakhawm unla, khawpi chu a sung ah gâllâk kisia khawm zosia chu tawh, Lalpa la Pathian kiang un hâlmang thillat gual in hâl tum mai un. Tundin kit tâk lo ding ah kumkhua’n hisiat in um ta’n a.

DAN LEKHABU 2:34

Zia chung ah chun, a khawpiu zosia ka lau a, khawtin ah pawsal, numei leh chapang natiang in ka that gam tau a. Mihing khat chale ka hawi puau hi.

DAN LEKHABU 7:16

Lalpa la Pathian un la khut ua a hun piaksa nam zosia chu, lainatna pang lo in hi’mangthai sik sek un; a pathianteu na sêm kiu in, nang uh â ding ah kipalna thâng hi ding ahi ngâl a.

JOSHUA 10:28

Zia ni chun Joshua’n Makkedah mun chule a la’n, a leng teu natiang chemjam in a satlum ah; zia khua chêng zosia chu khat chale suakcha lo in, a that gam sik sek tai. Jeriko khua Leng chung ah a bawl gual gual khan Makkedah khua lengpa chung inle a bawl tai.

JOSHUA 10:39

a khua leh a lengpa, chuleh a khawpel zosiau chu a lau ah; chemjam in a khua sung ah um zosia a that gam tau a, pakhat chale a hawi puau ah; Hebron khua a bawl gual gual leh, Libnah khua leh a lengpa chung ah a bawl gual gual khan, Debir khua leh a lengpa chung inle a bawl tai.

JOSHUA 11:11

Chuleh, zia khua um zosia chu chemjam in a that gam sik sek ah; a ha’thei zosia lak in pakhat chale a hawi pua’n; chuleh, Hazor khua chule a hâl tum tai.

JOSHUA 11:14

Zia khawpite ah a gâllâkteu leh gancha zosia chu Israelte’n amau â dingin a kilâk tau a; himaleh, mihing ahileh vang a hi’mangthai zaw masiau chemjam in a that un, hinna nei taphot chu khat chale a hawi puau a.

JOSHUA 8:2

Jeriko khawpi leh a lengpau chung ah la bawl gual in, Âi khua leh a lengpau chung ah le bawl ding la hi’ngâl ah; gâl lâk thil leh gancha zosia chu la chan ding un chawm gam tau in. Khawpi nung lam ah kipat bulu dingin a chângpang koi in,” ti’n a gen a.

JOSHUA 8:22

Chuleh, a dangte le amau do dingin khawpi lam ah kipat in a hung pawtdok ua; tichun, pakhat chale a suakcha leh a hing um lo in Israelte chun a that gam tau hi.

JOSHUA 9:3

Himaleh, Gibeon khua chêngte’n, Joshua’n Jeriko khua leh Âi khua a bawldan a la het phat un,

THUPUAN 18:21

Chun, vansawlchâk hat tak hin suang lian tak sumhêk suang gual hi a hun la, tuisuagiat in a paitha, “Babulon khawpi lopi chu zia gual hin paithâk hi’ntin, muphâk hita pua’n ah, a tia.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

1 SAMUEL 15:8

Amalekte lengpa Agag chu a hingmat ah, midang zosia chu vang chemjam in a that suak tai.