JOSHUA 6:2 - PATHIAN LEKHABU THIANGTHO (BSI)

² Lalpa‘n Joshua kiang in: “En tiam in, Jeriko khawpi tawh a lengpau leh a sepai zosiau chu la khut ah ka piak a hitau.

JOSHUA 6:2 ပူးပေါင်းရင်းမြစ်များ

2 SAMUEL 5:19

David chun Lalpa kiang in, “Philistinte do dingin va kuan to ding ka hi em? Amau chu ka khut in lei pia diam?” ti’n a dong a. Tichun, Lalpa‘n, “Kuan in, Philistinte chu la khut ah hun pe ngei ngei ding ka hi,” ti’n a dawnhu tai.

NEHEMIAH 9:24

Tichun, a suan a pâkteu a lut un, a valua tau ah; a gam ah a la chêngsa Kanaan mite haw chu la tawden piak ah, a khut un la pedok ah, a nop dan dan ua a khoi thei ding un a lengteu leh a mipiteu chu la pedok tai.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

DAN LEKHABU 7:24

A leng leh lalteu chu la khut un hun pedok intin, van nuai ah a min uh thaimang sik sek ta’n lau; a leng ua la hi’mangthai suak masangsiau kuama’n hun do ngam pua’n au.

JOSHUA 12:9

Jeriko khua leng pakhat, Bethel khua kiang ah Âi khua leng pakhat,

JOSHUA 2:24

Joshua kiang in, “Lalpa‘n a gam pumpi chu I khut un ei pia tak tak na ahi; zia bep chule hilo in, zia gam ah chêng zosia chu ei uh ei lau in I âng un a timaw zo tau hi,” a tiu a.

JOSHUA 2:9

a kiang un: “Zia gam hi Lalpa‘n a hun piaksa ahi tai, nang uh kicha’n launa’n ka dim tau in, zia gam ah chêng zosia hi nang uh lau ah timaw gawp ka hitau hi ti ka hia’i;

JOSHUA 20:1

Ziaphatchun, Lalpa‘n Joshua a hun ho ah,

JOSHUA 6:1

Jeriko khawpi ah mite chun, Israelte a lau ziak un kot a kisungkam khum tau ah; kuama a pawtdok le a um ta puau hi.

JOSHUA 6:3

Gâldo mite tawh a khawpi chu khatvei la vêl suak diu ahi. Zia gual ah chun ni guk sung la bawl ding uh ahi’n;

JOSHUA 8:1

Ziaphatchun, Lalpa‘n Joshua kiang in, “Lau kin la, lunglel diak kin; gâl kap thei zosia pui inla, tu’hin Âi khua chiatopi ta’n. Ngai in, Âi khua lal leh a mite, a khawpi leh a gam zosiau la khut ah ka hun piak ahi tai.

VAIHAWMTE 11:21

Ziaphatchun, Lalpa, Israelte Pathian chun Sihon tawh a mipite zosia chu Israelte khut in a pia ta’n, Israelte’n a zo tau a; tichun, Amorte chênna gam chu a lua tau ahi.

VAIHAWMTE 11:24

La pathian uh Khemosh in a hun piakna tiang tiang chu la lua mai ding hilo a hem? Chun, kei unle Lalpa, ka Pathian un kei uh â ding ah ei zaw piakna tiang tiang chu ka lua mai ding uh hilo a hem?