JOSHUA 6:18 - PATHIAN LEKHABU THIANGTHO (BSI)

¹⁸ Nang uh chu zia thil hânsia lawkhumsa lak ah kipat hin kikoi kâng unla, suksiat ding ah kipedoksate hi a la en lâ in, Israelte giamun hi hânsialaw ding ah siam in, a chung ah buaina tunsak khawlaw in lau.

JOSHUA 6:18 ပူးပေါင်းရင်းမြစ်များ

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

THUGENTU 9:18

Kido’na gâlvan sâng in pilna a pha zaw’n; himaleh, migilo pakhat in, thilpha a susia tam zawi.

JONAH 1:12

Ama’n a kiang un, “Ei domdok unla, tuisuagiat sung ah ei pai thau in; ziaphat chuleh, tuisuagiat chu nang uh â dingin hung thip ta’n a; keima ziak ah zia gual thil hi tuak la hiu ti ka he ngal a,” a ti tai.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

2 KORINTH 6:17

Ziaziakchun, a lak ua kipat hung pawt unla, a chuam in um un, Lalpa‘n a tii. Thilbuak him him khoi kiu in, chutichun, hun lop ta’ng ka tin;

EPHESA 5:11

Thim thilhi ga neilote ah chun panna nei kiu inla, zia sâng ah chun a dik lona hiatsak zaw tau in.

DAN LEKHABU 13:17

Tu’ni ka thupiak dungzui ah, Lalpa la Pathian mit muu ah thil dik la hiu ah, Lalpa la Pathian thugen zosia la zui phot uh chun,

DAN LEKHABU 23:10

La lak ua mi pakhat jan kâl ah ama ah kipat, thilbuak a la pawt khâk ziak ah thianglo ahi chun, gia mun ah kipat in pawtdok hen; zia giamun ah chun a lût kit tâk lo ding ahi.

DAN LEKHABU 7:26

Thil buakte him him la In sung ua la lâk lut lo ding uh ahi; amau gual ah nanghaw le hisiat in um kha’n lau. Hânsia law khumsa leh hisiat ding ah um ahi tâk ziak un, nasa tak in ki’dak unla, haw ma ma ziang un.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JOSHUA 7:1

Himaleh, Israel chate’n hânsia lawkhumsa thilte ziakin a ginnau a la susia kha tau ah: Judah phung ah mi, Zerah chapa Zabdi chapa Karmi chapa Akan in hânsia lawkhum sate lak ah kipat bang a hem jat a la kilâkdaw ta’n; tichun, Israelte chung ah Lalpa a lungna ta’i.

JOSHUA 7:13

Mipite hi hi’thiangtho phot mai in, a kiang un, ‘Jing â ding in kisuthiangtho un; Lalpa, Israelte Pathian in zia gual hin a gen ngâl ah: Aw Israel, la lak un thil thianglo a um hi; la lak ua kipat thil thianglo chu la lâk mang masang siau, la mêlmateu zo thei ta pua’n lau.

JOSHUA 7:15

Chun, kuale thil thianglo a la kilâk pen pen chun, Lalpa thuthung bawtsia’n, Israelte lak ah thil gilo leh ngolhuai tak a la bawl tâk ziakin, a nei zosia pum ah mei ah hâltum ding ahi,’ ti la gen ding ahi,” a tia.

JOSHUA 7:25

Joshua’n a kiang un, “Bang ding ah ka chung ua buaina tunsak la hi em? Lalpa‘n tu’ni hin la chung ah buaina a hun tunsak ahi tai,” a tia. Chuleh, Israel mipi zosia’n suang in a sep tau ah; ziazaw ah chun mei ah hâl tum in, suang a sep khawm nalai un;

1 JOHAN 5:21

Naute haw, milimte ah kipat kikoi kiang un.

1 SAMUEL 15:9

Saul tawh a sepaite chun Agag tawh, belam leh bawng hon leh belam no lak ah a thau deu deu leh a pha diakte pum in, van pha diakte chu tawh a hawi un; a phalo lam deu deu leh a man tam lo zosia chu a susia dik dek tau hi.