JOSHUA 5:6 - PATHIAN LEKHABU THIANGTHO (BSI)

⁶ Lalpa thu a ngailo ziak un Israel mipi, Aigupta gam ah kipat hung pawtdok zosia leh a gâldo mi teu tiang ah sukmangthai sik sek ah a um tiang un, Israel suante chu gamthip ah kum sawmli sung zet a vâkvai tau ah. Lalpa‘n a pu leh pateu kiang ah kihaksial ah piak ding ah a la tiamna gampha, khuaizu leh bawngnawi luanna gam chu musak lo dingin a la kitiam tai.

JOSHUA 5:6 ပူးပေါင်းရင်းမြစ်များ

SAM 107:4

Mi khenkhatte chu gamkeu ah, chênna ding khua neilo ah vâkvâi in,

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

EZEKIEL 20:15

Zialochun, gamthip ah khan gam ka piakna, bawngnawi leh khuaizu luanna gam pha, gam zosia lak ah gam pha pen ah chu pui lût lo ding ti’n ka la kipautiam zo ta’n.

EZEKIEL 20:6

Zia ni chun Aigupta gam ah kipat puidok ing ka tin, amau â ding ah ka mudaw’na gampha, bawngnawi leh khuaizu luanna, gam zosia lak ah pha pen ah pui lût dingin ka la tiam tai.

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

KISIMNA LEKHABU 14:23

a pu leh pateu kiang ah piak ka la tiamsa gam chu pakhat chan le mu lo ding a hiu; chuleh, bangma ei ngai lo zosia’nle mu lo ding a hiu.

KISIMNA LEKHABU 26:63

Ziate hi Moab phâijawl ah, Jeriko gâl ah Jordan luigâl langkhat lam ah, Mosi tawh thiampu Eleazer in a sim uh, Israelte a min uh a khum zosiau chu a hiu a.

DAN LEKHABU 1:3

Kum sawmli a tin, a tha sawm leh khatna, a ni khat ni chun Lalpa‘n amau hil ding ah thu a piak zosia chu Israelte kiang in Mosi’n a gen sawn ta’n:

DAN LEKHABU 2:14

Chun, Kadesh-barnea ah kipat Zered lui ka pal kâi tiang uh chu kum sawmthum leh giat a hita; zia nung ah chun Lalpa‘n gâldo thei zosia a thigam malam ding uh ahi ti thu a la tiam dungzui in, amau khang ah mi zosia chu a thi zo man tau a.

DAN LEKHABU 2:7

La thil bawlnau taphot in Lalpa‘n mal a hun jawl ma ma ah; zia gamthip lian tak la hawthen danteu le a he sik sek hi. Zia kum sawmli sung ving veng hi Lalpa la Pathian un a hun umpi zing ah, bangma tâksap le la nei puau,” ti in.

DAN LEKHABU 8:4

Zia kum sawmli sung ah hin, la puansil leh chênteu a chul diak pua’n, la kengteu le a vûng diak puai.

HEBRAITE 3:11

“Ka cholna chun lut pua’n au, ti’n lungna tak in sia ka sam ta ahi”. Ti’n a gen a.

JOSHUA 1:6

Hat tak leh hangsan tak in um in; a pu leh pateu kiang ah piak ding ah ka la tiamna gam hi, zia mipite gochan dingin hawm piak ding la hi’ngâl a.

JOSHUA 24:7

Lungkham tak ah Lalpa a hun ko phat un, Aigupta mite tawh la kikâl un thimpi ka ji’nsak ta’n; chuleh, tuisuagiat tuite’n amau chu a chupmang zo ta’n; Aiguptate chung ah ka thilbawl zosia chu la mit un a mu suak kêi ah. Zia nung ah chun, gamthip ah kum sawtpi la hung châm nalai ui.

JOSHUA 5:5

Aigupta gam ah kipat hung pawtdok zosia kha zektansa ngen himaleu, Aigupta gam ah kipat a hung pawtdok nung ua, gamthip ah a zin sung ua piang zosia kha zektan lo ngen a hiu a.

JOSHUA 5:7

Tichun, amau thasâng ah a tundin, a suan leh pâkteu chu zektanlo ngen a hiu a; lam kâl ah zektanlote kha Joshua’n a zek uh chu a tan piak ta ahi.