JOSHUA 5:13 - PATHIAN LEKHABU THIANGTHO (BSI)

¹³ Khatvei chu Jeriko khawpi kiang ah Joshua a dâk to lai in, mi pakhat, a khut ah chemjam lâmsa, a âng ah ding a mu ta mai ah. Joshua’n a zuan ah, a kiang in, “Ka lam ua pang la hem, ka mêlmateu lam ah pang?” ti’n a dong a.

JOSHUA 5:13 ပူးပေါင်းရင်းမြစ်များ

THILSIAM THU 18:1

Mamre gangpi thingbul ah chêng Abraham chu a puanbûk kotkhak bul ah nisa nuai ah a chut lai tak in, Lalpa chu a kiang in a vakilâk ta’n.

THILSIAM THU 18:2

A vak khawdak ah a et leh, ngaitia, a mai jawn tak ah chun mi pathum ding zing hi a vak mu’n. Amau chu a mu phât in a lamtua dingin a puanbûk kotkhak bul ah pat chun a tai phei ah, leitual si’n bokkhup in chibai a bûk ta’n;

THILSIAM THU 28:16

Chun, Jakob ipmu chu a hung khanglo ah, “Zia mun ah hin Lalpa chu a um ngei hi ti, ka la he pua ahi!” a ti’n.

THILSIAM THU 33:1

Jakob chu a vak dakdaw leh, Esau tawh a nungzui mi za li a kiang lam hun zuante chu a vak mu ta’n. A chate chu Leah, Rakhel leh a suaknu panite kiang ah chun a hawm jak chiat a.

THILSIAM THU 33:5

Chuleh, Esau chu a vak dâk ah, numeite leh naupangte chu a mu ta’n: “La hun puite hi kuate a hiu em?” ti’n a dong a. Ama chun, “Pathian in a lungsiat ziak ah la suak kiang ah a piak naupangte a hiu,” ti’n a dawnhu a.

1 KHANGTHU 12:22

nisi’n in David lam ah pang ding mi a hung lut belap jel un, Pathian sepai gual ah tam a hung ting tau hi.

1 KHANGTHU 21:27

Ziaphatchun, Lalpa‘n vansawlchâk chu thu a hun pia’n, ama’nle a chemjam chu a pâi in a thun kit tai.

1 KHANGTHU 21:30

Lalpa vansawlchâk chemjam chawi chu a lau ziakin, David chu Pathian dong dingin zia tak mun ah chun a vachia ziang ngam puai.

PAWTDAWNA THU 23:23

Ka vansawlchâk chu la ma-âng ah a chia phat leh, Amor mite, Hit mite, Periz mite, Kanaan mite, Hiv mite leh Jebus mite gam chu hun pui tung intin; amau chu gawtmang dim dem ding ka hi’ngal a;

DANIAL 10:5

ka dâk to ah, pawsal khat puanmalngat sil, a kawng Uphaz sana kawnggâk ah kigâk ka vak mu’n.

DANIAL 8:3

Ka dakdaw leh lui pang ah belamchal khat ka vak mu’n. Ama chun kî pani a nei in. A kî teni chu a sau gêl un; himaleh, khat chu a sauzaw’n, a sauzaw chu a hung dawkdok nunung zaw ahi.

ZEKARIAH 1:8

Jan ah chun sakol san chung ah mi pakhat chuang ka mu’n! Ama chu phâiguam ah huisûm lak in a ding ah; a nung in sakol sandâng leh a kângte le a um ui.

KISIMNA LEKHABU 22:23

Lalpa vansawlchâk chemjam lâmsa lamlian ah a la pang chu sabiltung in a mu ta’n; tichun, a sabiltung in lamlian chu pêl in, loulai in a chiata’n; ahi’n, Balaam in lamlian zui sak gua’n a sabiltung chu a jep ta’n.

KISIMNA LEKHABU 22:31

Ziaphatchun, Lalpa chun Balaam mitte chu a hun hi’vâk piak ah, a âng ah Lalpa vansawlchâk, a khut ah chemjam lâm ah lamlian ah ding lai chu a hun mu ta’n; ziaphatchun, a mâi ah leisi’n a bokkhup tai.

NASEPTE 1:10

Ama lâk to ah a um lai tak ah van lam a et zing lai un, a kiang un mi pani puan vâm sil in a hung ding phut ziang tau a.

JOSHUA 6:2

Lalpa‘n Joshua kiang in: “En tiam in, Jeriko khawpi tawh a lengpau leh a sepai zosiau chu la khut ah ka piak a hitau.

THUPUAN 1:13

zia thaumei koina pasagi lak ah chun, mihing chapa hileh kilawm tak, a puanâk a kêngpek chan ah chual, a tai ah sana kawnggâk gâk chu ka mu’n.

VAIHAWMTE 13:11

Manoah le a dingdok vak ah, a ji chu a zui ta’n, mipa kiang a hung tun phat un a kiang in, zia numei kiang ah thugenpa kha nang la hi maw? a tia. Ama’nle, “Ka hi,” a tia.

VAIHAWMTE 13:22

Chun, Manoah in a ji kiang in, “Pathian I mu tâk ziakin, thi ngei ngei ding I hi,” a tia.