JOSHUA 5:1 - PATHIAN LEKHABU THIANGTHO (BSI)

¹ Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.

JOSHUA 5:1 ပူးပေါင်းရင်းမြစ်များ

THILSIAM THU 12:6

Shekhem ah Moreh mun gangpi thing umna tiang in Abram in a gam chu a paltheng pek ah. Zia hun lai ah chun Kanaan mite a gam ah chun a la chêng nalai ui.

THILSIAM THU 48:22

Zia lo ah chunle, la suapite chanvo sâng in chan khat in ka hun pia tam zaw la hi; ka chemjam tawh ka thalpi, Amorte khut ah kipat ka lâkpiak kha,” a ti tai.

2 SAMUEL 21:2

Tichun, lengpa chun Gibeonte chu a ko khawm ah, a kiang un thu a gen a. (Gibeonte hi Israel mite hilo in, Amor mi a la hiu ah; Israel mipite chun amau chu hing hawi ding ah thu a la tiam uh ahi’n; himaleh, Saul in Israelte leh Judate â ding ah a phatchuam ngaina lam in tha chimit a la gua ahi.)

1 LENGTE 10:5

a dawkan ah an haw, a miliante chutna haw, a suakte nasep dan leh a kicheidan teu, a tuanvaite; chuleh, Lalpa In ah hâlmang thillat ah a latte chu a mu in, a chu a hatsam hial ziang tai.

EZRA 9:1

Zia haw chu bawl zaw ahi’phat in, Lengpa nasêmte chun ei hun nai un, ka kiang in, “Israel mipite, thiampute leh Levite chu zia gam ah mite lak ah kipat hin kikoi thiang lo in, Kanaan mite, Hit mite, Periz mite, Jebus mite, Ammon mite leh Amor mite lak in a kisupolche zo tau a.

SAM 135:11

Amorte lengpa Sihon, Bashan lengpa Og leh Kanaan gam ah lenggam zosia:

PAWTDAWNA THU 23:28

Chun, la ma-âng ah natpi hun sawl ing ka tin, ziate chun Hiv mite, Kanaan mite leh Hit mite chu la ma-âng ua kipat in del dawsak ding ka hi.

ISAI 41:5

Tuikual gam ah mite’n a muu ah, a lau un; kawlmong lam ah mite le a kithing ui. A hun nai un, a hung tau hi.

EZEKIEL 16:3

a kiang in, Lalpa Pathian in Jerusalem kiang in zia gual hin a gen hi, ti’n: La kipatna leh la pianna chu Kanaan gam ahi; la pa chu Amor mi ahi’n, la nu chu Hit mi ahi.

EZEKIEL 21:7

Amau in la kiang ah, Bang ding ah thûm la hem? a hun ti phat uh leh a kiang un, Thil hung tung ding ziak ahi. Lungthim zosia tuitha’n tin, khut zosia zeng intin, ngaituana zosia basam intin, khûp zosia zawitha ta’n ah. En in, hung tung ding a hita’n, guitung ziang ding ahi tai, Lalpa Pathian in a tii, ti’n gen in, a ti’n.

DANIAL 5:6

Lengpa mêl chu a hung dâng ta’n, a lau ma ma ziang tai. A pum in a kithing ah, a khûp a kitattua ta mai a.

AMOS 2:9

Chutisapi’nle, a âng ua kipat, sidar thing gual ah sâng leh, gangpi thing gual ah detdote Amorte chu ka susia ta’n; chung lam ah a ga leh nuai lam ah a zungte ka hisiat piak hi.

KISIMNA LEKHABU 13:29

Negeb lam ah chun Amalekte a chêng un, tânggam ah Hitte, Jebuste leh Amorte a chêng un, tuisuagiat pâm leh Jordan dung ah chun Kanaan mite a chêng ui,” a tiu a.

JOSHUA 17:12

Ahiziak in, Manasseh suante chun zia khawpi ah um zosia chu a nawdok ziang puau ah; Kanaan mite chule zia gam ah chun a chêng zing tho ui.

JOSHUA 17:18

tâng gam zosia hi nanghaw chan ding hihen; gammâng himaleh vât thiang in, a gamgi jul tiang un la lua diu ahi; Kanaan mite chu bang gual ah hat in, thîk kângtalaite nei ziang maleu le nawdok tho tho ding la hiu,” ti’n a dawnhu tai.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

JOSHUA 3:16

saklamah kipat tui hung luang suk chu a chawl ta’n, saklam deu tak ah Zarethan kiang ah Adam khawpi kiang ah chun a bêm in a ding ta mai ah; chuleh, Arabah tuipi, Tuipi Thi lam ah luang suk chu a kangtan tai. Tichun, mipite chu Jeriko khua jawn ah chun a gâl kâi tau a.

JOSHUA 3:17

Israel mipi zosia’n lei hul ah chia ah, a leng ua Jordan lui a gâlkâi masang siau chu Lalpa thuthung thingkuang jawn thiampute chu Jordan lui lai tak in, lei hul ah chun a ding den tau a.

THUPUAN 18:10

Chun, amanu nat thokgimna ziak ah lau in gamla tak ah ding in: “Ahei! Ahei! Babulon khaw lopi, khawpi det chu la chung a gik hi, hundan kâl khat sung ah la chung ah, vaihawmna a tung ziang in,” ti’n au.

VAIHAWMTE 1:1

Tu’hin, Joshua thi’nung in Israel chate’n Lalpa kiang in, “Keihaw lak ah Kanaan mite do ding ah kuan to masa ding leh amau vado masa ding chu kuate ka hiu em?” ti’n a dong tau a.

VAIHAWMTE 11:23

Chutichun, Lalpa, Israelte Pathian in, a mi Israelte â ding ah Amorte a la zaw piak a hita’n. Tu’hin, a gam uh chu lâkpiak kit la guat a hem?

VAIHAWMTE 3:3

Nam dangte chu: Philistinte lal panga, Kanaan mite zosia leh Lebanon tâng ah Baal-hermon ah kipat Lebo-hamath tiang ah chêng Sidon mite leh Hiv mite zosia a hiu a.

VAIHAWMTE 4:2

Tichun, Lalpa‘n amau chu Hazor ah vaihawmpa, Kanaante lengpa Jabin khut in a pia tai; a sepai hotu lianpen chu Harosheth-ha-goiim ah chêng Sisera ahi.

1 SAMUEL 25:37

Jingkal in, Nabal chu a zudawn kham le a hung pha ta’n; a ji chun thil um dante chu a hil phat in, a lungphût a chawl in, suangtum gual ah khawhelo in a um tai.