JOSHUA 4:23 - PATHIAN LEKHABU THIANGTHO (BSI)

²³ Lalpa la Pathian un malâi ah Tuipi San ka gâl kâi masang siau a tûktân gual ah khan, Lalpa la Pathian un Jordan lui tuite chu le la gâl kâi masang siau la ma âng un a kan tansak in;

JOSHUA 4:23 ပူးပေါင်းရင်းမြစ်များ

1 LENGTE 8:43

la chênna van ah ngaitha’n la, gam dang mite chunle a hun konau gual in bawl piak in; chutichun, la mi Israelte gual ah hin, lei ah mipite zosia’n la min a hun het ua, a hung lau theina ding un leh, zia ka In sak ah hin la min kiko ahi ti a hettheina ding un.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

SAM 78:13

Tuisuagiat khên tan in a chia thensak ta’n; tuite chu bangkhat sia khawm gual in a dinsak hi.

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

PAWTDAWNA THU 15:19

Pharaoh sakolte chu a sakol kângtalaite tawh, a sakol chungchuang mi sepai honte chu tawh, Tuipi sung ah chun a tai lut zaw phat un, Lalpa’n Tuipi tuite chu amau chung in a luan khumsak tai: himaleh, Israelte chu Tuipi luanna lei hul chung in a chia gâlkâi tau hi.

ISAI 43:16

Tuisuagiat lak ah lamlian siam ah, tui hat tak lak ah lampi siampa,