JOSHUA 4:19 - PATHIAN LEKHABU THIANGTHO (BSI)

¹⁹ Mipite chu dam tak in, tha khatna a ni sawm tin ni chun, Jordan lui a gâl kâi tau a; tichun, Jeriko sua lam ah Gilgal ah chun a giak tau hi.

JOSHUA 4:19 ပူးပေါင်းရင်းမြစ်များ

2 LENGTE 2:1

Tu’hin, Lalpa‘n chîmpei ah Elijah van ah a lâk to ding kuan ah chun, Elijah leh Elisha chu Gilgal ah kipat lampi a hung kiton lai un.

AMOS 4:4

Bethel ah hung un la bawtsiau in, Gilgal ah hung unla, bawsiatna supung un; jingkal si’n in la kithoinau hun chawi unla, ni thum dan leh la sawm ah khatteu hun chawi khawm unla;

AMOS 5:5

himaleh, Bethel hawl kiu inla, Gilgal ah lût kiu inla; Beer-sheba ah le gâl kâi kiu in; Gilgal chu matheilo in gam dang ah jam mang ding ahi’n, Bethel chu bangmalo hung hi’n a.

MIKAH 6:5

Aw ka mite haw, Lalpa’n a hun hukdaw’na ding ah, a thil bawlte kha la hiattheina ding un, Moab leh Balak thuguat leh Beor chapa Balaam dawnhu dante, Shittim tâng ah kipat Gilgal tiang ah thil umdante kha, tu’hin hezing tau in.

DAN LEKHABU 1:3

Kum sawmli a tin, a tha sawm leh khatna, a ni khat ni chun Lalpa‘n amau hil ding ah thu a piak zosia chu Israelte kiang in Mosi’n a gen sawn ta’n:

DAN LEKHABU 11:30

Ziate hi Jordan gâl, tumlam kâi ah, Kanaante gam ah Moreh pang ah gangpi thing kiang ah um a hiu ti la henai.

JOSHUA 10:43

Tichun, Joshua leh Israelte zosia chu Gilgal ah a giamun lam un a chia kit tau hi.

JOSHUA 10:6

Chun, Gibeonte chun Gilgal giamun ah Joshua kiang in thangko a sawl ua, a kiang in, “La suakte hi ei thâthawt kin; kin tak in ka kiang lam un hung to ngâl inla, ei hukdok dingin ei hung panpi in; tânggam ah chêng Amor Lengte zosia ei do dingin a pangkhawm ta’ngâl un,” ti’n a vagen sak a.

JOSHUA 15:7

Akor guam ah kipat in Debir ah chia to pek in, mallam ah Adummim ah chiatona kiang ah Gilgal lam zuan in, zia mun chu phâicham ah kipat simlam ah um a hi’n; chuleh, gamgi chu Enshemesh luidung ah chia pek in En-rogel in a tawp a;

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 4:18

Lalpa thuthung thingkuang jawn thiampute chu Jordan lui lai ah kipat a hung pawtdok ua, thiampute keng in mualkâng a chot phat in, Jordan lui tuite chu a luan ngai in, a luikam dim in a luang mat kit tai.

JOSHUA 5:10

Chun, Israelte zosia Gilgal ah a châm sung un, Jeriko phâijawl ah chun zia tha, a ni sawm leh li nitâk ah chun Chiakân Kût a mang tau a.

JOSHUA 5:9

Lalpa‘n Joshua kiang in, “Tu’ni hin Aiguptate hun musitna zosia la chung ua kipat in ka ladok tai,” a ti tai. Tichun, zia mun chu tu’ni tiang hin Gilgo a sak tau hi.

JOSHUA 9:6

Gilgal ah a giamun ua chun Joshua kiang in a hung ua, ama leh Israelte kiang ah chun, “Gamla tak ah kipat hung ka hiu ah; ziaziakchun, ka kiang un kichamna thuthung siam un,” a hung tiu a.

1 SAMUEL 10:8

Chun, ka ma lam ah Gilgal ah a la chia suk in; chuleh, keile hâlmang thillat leh kichamna thillat lân dingin la kiang ah hung suk ding ka hi. La kiang ah ka hung ah, la bawl ding ka hun hil masia, ni sagi sung lei la ngâk ding ahi,” a tia.

1 SAMUEL 15:33

Himaleh, Samuel in a kiang in, “La chemjam in numei tam tak, cha bei ah a koi gual in, la nu le numei lak ah cha bei in um hen,” ti’n a gen a. Samuel chun, Agag chu Gilgal ah, Lalpa ma-âng ah chun, a sat tel tai.