JOSHUA 4:14 - PATHIAN LEKHABU THIANGTHO (BSI)

¹⁴ Zia ni chun, Israel mipi zosia mit mu in Lalpa‘n Joshua a chawihoi ta’n; Mosi a lau gual uh khan, a dam sung sia’n ama chule a lau tau a.

JOSHUA 4:14 ပူးပေါင်းရင်းမြစ်များ

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

2 LENGTE 2:15

Jeriko ah jawlnei pawl khat umte’n ama chu a la gâl mu phat un, “Elijah thagau Elisha ah a um tai,” a la tiu a. Ama lamtua dingin a hung un, a âng ah leitual in a bokkhup tau hi.

1 KHANGTHU 29:25

Lalpa‘n Solomon chu Israelte zosia mit mu in nasa tak in a chawisâng ah; chuleh, Israel lakah ama masang ah leng zosia’n a la chan khak ngai lo uh ja’umna sâng tak chu a pia tai.

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

PAWTDAWNA THU 11:3

Lalpa’n mipite zosia chu Aiguptate mit in doisakna a neisak ah. Aigupta gam pumpi chun, Pharaoh leh a miliante leh mi zosia mit mu in Mosi chu mi minthang ahi ta’ngal a.

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

THUPILTE 24:21

Ka cha, Lalpa leh lengpa chu lau inla, a kua zawk thu chule nial kin;

ROMTE 13:4

Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.

1 KORINTH 10:2

Mosi zui a hi’theina ding un sûmpi leh tuipi’n baptis a chang ui.

JOSHUA 3:7

Lalpa‘n Joshua kiang in, “Mosi ka umpi gual tho ah khan nang le hun umpi ding ka hi ti la hettheina dingin, tu’ni hin Israelte zosia mit mu in hun chawihoi pan ding ka hi tai.

JOSHUA 4:13

Gâlthuam ah kivan zo diam, mi sîng li vêl chu gâldo ding ah kigaw zo in, Jeriko phâijawl ah chun Lalpa ma âng in a chia tau a.

JOSHUA 4:15

Chun, Lalpa‘n Joshua kiang in:

1 SAMUEL 12:18

Tichun, Samuel in Lalpa a ko ta’n; chuleh, Lalpa‘n zia ni chun van-gi leh gawpi a hun zuksak ah; tichun, mipite chun Lalpa leh Samuel chu a lau ma ma tau hi.