JOSHUA 3:7 - PATHIAN LEKHABU THIANGTHO (BSI)

⁷ Lalpa‘n Joshua kiang in, “Mosi ka umpi gual tho ah khan nang le hun umpi ding ka hi ti la hettheina dingin, tu’ni hin Israelte zosia mit mu in hun chawihoi pan ding ka hi tai.

JOSHUA 3:7 ပူးပေါင်းရင်းမြစ်များ

1 KHANGTHU 29:25

Lalpa‘n Solomon chu Israelte zosia mit mu in nasa tak in a chawisâng ah; chuleh, Israel lakah ama masang ah leng zosia’n a la chan khak ngai lo uh ja’umna sâng tak chu a pia tai.

2 KHANGTHU 1:1

David chapa Solomon chun a lenggam a sukdet ma ma phatin, Lalpa a Pathian in a umpi zing ah, nasa tak in a sulian tai.

JOB LEKHABU 7:17

Mihing hi bang a hia, zia gual tuk ah hi la ngai poimaw ah, la ngaitua sek leh,

SAM 18:35

Nang in la hukhinna phaw lei pia ta’n, chuleh, la changlam khut ah ei panpi in, lei siam lian tai.

JOHAN 17:1

Jesu’n thu zia cheng chu a gen zaw in, van lam en in a dakdok ah, He Pa, a hun chu a hung tung tai; chapa’n nangma a hun chawihoi theina dingin, la Chapa hun chawihoi in;

PHILIPPI 1:20

Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

JOSHUA 1:17

Bangkim ah Mosi thu ka la zawp sek gualmau khan, nangma thu le zawm jel ing kau. Lalpa la Pathian in Mosi a la umpi gual tho ah khan, nangmale hun umpi zing ta hen!

JOSHUA 1:5

La dam sung in mihingcha la âng ah pang ngam ding kuama um pua’n ah. Mosi ka umpi gual khan nang le hun umpi ing ka tin; hun kilepsan pua’ng ka tin, hun nusia diak pua’ng ka.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

JOSHUA 3:8

Thuthung thingkuang jawn thiampute chu, Jordan luikam a tun phat ua leh, ‘Jordan lui lai tak ah chun la din ding uh ahi,’ ti’n thu la piak ding ahi,” ti’n a gen a.

JOSHUA 4:14

Zia ni chun, Israel mipi zosia mit mu in Lalpa‘n Joshua a chawihoi ta’n; Mosi a lau gual uh khan, a dam sung sia’n ama chule a lau tau a.