JOSHUA 3:3 - PATHIAN LEKHABU THIANGTHO (BSI)

³ mipite chun, “Levi dan ah thiampute’n Lalpa la Pathian uh thuthung thingkuang a jawn uh la mu phât ua leh, la giamun chiat ua la kipatdaw diu ahi. Ama chu zui ngâl un,

JOSHUA 3:3 ပူးပေါင်းရင်းမြစ်များ

2 SAMUEL 6:13

Pathian thuthung thingkuang jawnte chun kãl guk a suan si’n ua leh bawngchal pakhat leh gancha kivakthau pakhat jel kithoina’n a that jel hi.

2 SAMUEL 6:3

Pathian thuthung thingkuang chu kângtalai thak pakhat a puak sak un, zia chu tâng gam ah Abinadab In ah kipat chun a hun puak dawsak un. Pathian thuthung thingkuang pua kângtalai thak chu Abinadab chate Uzzah tawh Ahio in a hun tawl ua;

1 LENGTE 8:3

Israel upate zosia chu a hung tau ah; thiampute’n thuthung thingkuang chu a hung jawn ua.

JEREMIAH 33:18

Ka âng ah hâlmang thillat leh thâi thillat lân ding leh, kithoina thillat lân ding Levite lak ah thiampu ding bangtik lai inle tasam ta pua’n au, ti in.

KISIMNA LEKHABU 10:33

Chutichun, Lalpa tâng ah kipat in a kipandok un, Lalpa thuthung thingkuang a ma lam un giamun kitûpna mun hawl lawk dingin ni thum lam in a jawn un;

KISIMNA LEKHABU 4:15

Giamun a kichawn ding phat ua leh, Aron tawh a chapate chun mun thiangtho leh a sung ah matchâk zosia a tuam zaw phat ua leh, Kohath chapate chu a jawn dingin hung intiu in; ahi’n la, thilzek thiangthote chu a sukkhak lo ding uh ahi; achutiloleh, thi ziang kha’n au. Ziate chu kikhopna biakbûk, Kohath chate puak sek dingte chu a hiu.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

MATTHAI 8:19

Lekhazikte lak ah pakhat a hung ah, a kiang in, “Hotupa, la chiana taphot in zui ing ka,” a tia.

DAN LEKHABU 31:25

Lalpa thuthung thingkuang jawn ah pang, Levite chu Mosi’n zia gual hin thu a pia’n:

DAN LEKHABU 31:9

Chun, Mosi’n zia dan chu a zikdok ah, thiampute, Lalpa thuthung thingkuang pua ah pang, Levi chate leh Israel upate zosia kiang in a pia’n.

JOSHUA 3:4

zia lampi chu zui kha lo lai la hiziak un, la chiana ding uh lampi la hiattheina ding un. Ahi’n la, amau tawh la kikâl uh tong sang ni ah kikâk ahi zing ding ahi; zia sâng ah naizaw ah chun la zui lo diu ahi,” ti’n thu a piau a.

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

JOSHUA 3:8

Thuthung thingkuang jawn thiampute chu, Jordan luikam a tun phat ua leh, ‘Jordan lui lai tak ah chun la din ding uh ahi,’ ti’n thu la piak ding ahi,” ti’n a gen a.

JOSHUA 4:10

Mosi’n Joshua thu a la piak gual in, Lalpa‘n mipite kiang ah hi ding ah Joshua thu a la piak zosia a bawl zaw masiau chu, thuthung thingkuang jawn thiampute chu Jordan lui lai tak in a ding den tau a. Tichun, mipite chu kinaw tak in a gâl kâi zo tau hi.

JOSHUA 6:6

Tichun, Nun chapa Joshua chun thiampute chu a ko khawm ah, a kiang un, “Thuthung thingkuang chu jawn unla, thiampu sagi in Lalpa thuthung thingkuang ma lam ah chun belamchal kî pengkul sagi chu chawi in chiau hen,” a tia.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

1 SAMUEL 6:15

Levi thiampute chun Lalpa thuthung thingkuang tawh a kiang ah sana milim koina thuthung thingkuangte chu a hung lau ah, suangpi chung ah chun a koi un. Ziaphatchun, Beth-shemesh khua mite chun, Lalpa kiang ah kithoina zia ni ma ma chun a bawl ua.