JOSHUA 3:17 - PATHIAN LEKHABU THIANGTHO (BSI)

¹⁷ Israel mipi zosia’n lei hul ah chia ah, a leng ua Jordan lui a gâlkâi masang siau chu Lalpa thuthung thingkuang jawn thiampute chu Jordan lui lai tak in, lei hul ah chun a ding den tau a.

JOSHUA 3:17 ပူးပေါင်းရင်းမြစ်များ

2 LENGTE 2:8

Elijah chun a puan chu a la, a zialtom ah, tui chu a khen a; tui chu a langkhat leh a langkhat gêl in a hung kikhen ah, amau teni chun lei keu chung in a kai phei tau hi.

SAM 66:6

Ama’n tuisuagiat chu lei gawchâk a chansak a; luipi kha keng in a chia theng ui. Zia tak ah chun a chung in I kipak un;

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

PAWTDAWNA THU 14:22

Israelte chu Tuipi sung ah lei hul ah chun a lut tau ah; chuleh, tuite chu amau â dingin changlam leh veilam in bâng in a pang ta mai hi.

PAWTDAWNA THU 14:29

Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

ISAI 25:8

Ziaphat chuleh, Lalpa Pathian in, maichang zosia ah mitthi thiak-hul ta’n tin; chuleh, a mipite mualpho’na zosia, lei chung ah kipat in lamang ta’n a; Lalpa‘n zia gual chun a la gen ta’ngal a.

KISIMNA LEKHABU 33:51

Israelte kiang ah zia gual hin gen in: Jordan lui gâl kâi ah, Kanaan gam la lût phat uh leh,

HEBRAITE 11:29

Ginna’n Tuipi San kha mualkâng, lei hul ah chia gual in a gâl kâi un, Aigupta mite’n le zia gual ah chun chia a guau ah, himaleh, a tum mang zo tau hi.

JOSHUA 4:1

Israel nam pumpi’n Jordan lui a gâl kâi suak phat un, Lalpa‘n Joshua kiang in:

JOSHUA 4:10

Mosi’n Joshua thu a la piak gual in, Lalpa‘n mipite kiang ah hi ding ah Joshua thu a la piak zosia a bawl zaw masiau chu, thuthung thingkuang jawn thiampute chu Jordan lui lai tak in a ding den tau a. Tichun, mipite chu kinaw tak in a gâl kâi zo tau hi.

JOSHUA 4:11

Mipi zosia a gâl kâi suak phat un, Lalpa thuthung thingkuang leh thiampute chu mipite malam ah chun a chia jel tau a.

JOSHUA 4:22

Zia mun ah hin Israelte’n lei hul in Jordan lui a gâl kâi ui, ti la tu la chateu la hilna ding uh ahi, a tia.

JOSHUA 4:3

‘Jordan lui ah thiampute dinna mun, a keng ua a chotnau mun lai tak ua kipat suang sawm leh ni lau inla, paw gâl kâi unla, tu’jan ah la giakna ding mun tak un phut un,’ ti’n thu pia’n,” a tia.

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.