JOSHUA 3:11 - PATHIAN LEKHABU THIANGTHO (BSI)

¹¹ lei chung pumpi ah Lalpa thuthung thingkuang chun la mau in Jordan lui gâl a kâi hi.

JOSHUA 3:11 ပူးပေါင်းရင်းမြစ်များ

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

JOB LEKHABU 41:11

Kua a hem, vakilanpi ah suakcha ding? Van nuai ah hin kua a hem um?

SAM 24:1

Lei chung leh a sung ah um zosia, khawvel leh a sung ah chêng zosia hitawh, Lalpa â ahi’n;

SAM 97:5

Tângte chu Lalpa ma ah chun, khuainat gual in a tuitha zo tau in, khawvel zosia Lalpa ma ah chun.

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

ZEKARIAH 4:14

Ziaphatchun, ama’n, “Zia te ni hi khawvel pumpi Lalpa ma-âng ah tawi leh chan ding ah sathaunu’ ah umte chu a hiu,” ti’n ei hun dawnhu tai.

ZEKARIAH 6:5

Vansawlchâk chun, “Ziate hi van ah huipi pali lei chung pumpi Lalpa âng ah a vakilâk zaw phat ua leh van ah hui pali hung pawtdok dingte chu a hiu.

DAN LEKHABU 9:3

Tu’ni hin Lalpa la Pathian uh chu kâng mang sek mei kuang gual ah la ma lam ua chia pek ahi ti he tau in; Lalpa‘n la kiang ua a la tiamsa gual khan, amau la suandawu ah, la hi’mangthai theina ding un hun do piak in, hun zaw piak ding ka hi ti he tau in.

JOSHUA 3:13

Lei chung zosia ah Lalpa, Lalpa thuthung thingkuang jawn thiampute keng in Jordan lui tui a chotkhâk phat phat leh, Jordan lui tui saklam ah kipat hung luang suk chu tan intin, ding den in, kisia vûm ziang ta’n ah,” a tia.