JOSHUA 3:10 - PATHIAN LEKHABU THIANGTHO (BSI)

¹⁰ Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;

JOSHUA 3:10 ပူးပေါင်းရင်းမြစ်များ

THILSIAM THU 15:21

Amorte, Kanaante, Girgashte leh Jebus mite gam pumpi hi la suante kiang in ka hun pia tai,” a ti tai.

1 LENGTE 22:28

Mikaiah in, “Nang thamuang tak ah la hung kile’kit chun, Lalpa‘n ka kiang ah thu gen lo himai ding ahi,” a tia. Chuleh, “Nanghaw mipite haw, la leng un ngaithau in!” a ti tai.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

1 KHANGTHU 1:14

Jebus mite, Amor mite, Girgash mite,

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

PAWTDAWNA THU 17:7

Zia mun min chu Massah leh Meribah a sak tai: Israel chate’n ama a kinakpi ziak uh leh, Lalpa I lak ua um a hem, umlo tia a patep ziak un.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

PAWTDAWNA THU 33:2

la ma-âng in vansawlchâk khat hun sawl ing ka tin, Kanaan mite, Amor mite, Hit mite, Periz mite, Hiv mite leh Jebus mite chu hun del daw sak ding ka hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

KISIMNA LEKHABU 13:29

Negeb lam ah chun Amalekte a chêng un, tânggam ah Hitte, Jebuste leh Amorte a chêng un, tuisuagiat pâm leh Jordan dung ah chun Kanaan mite a chêng ui,” a tiu a.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

JOHAN 6:69

Nangma hi, Pathian Mithiangtho chu la hi ngei hi ti ka he tau in, ginle ka hun gingcha tau hi,” a tia.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 5:26

Eihaw gual ah mei kuang lak ah kipat Pathian hing aw he’ ah, taksa hing zing kua a um ngai em?

DAN LEKHABU 7:1

Lalpa la Pathian un nam tam tak, nanghaw sâng ah hatzaw leh tamzaw Hitte, Girgashte, Amorte, Kanaante, Perizte, Hivte leh Jebushte, nam sagite hi a naw daw zaw phat ah, la luana ding uh gam ah a hun pui lût ah, la lua phat ua leh,

DAN LEKHABU 7:21

Pathian thupi tak leh lau um tak, Lalpa la Pathian uh chun a hun umpi ziakin, amau chu lau kiu in.

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

HEBRAITE 10:31

Pathian hing khut ah pûk chu thil huaisia tak ahi.

JOSHUA 11:3

sualam leh tumlam ah Kanaan mite, tânggam ah Amor mite, Hit mite, Periz mite, Jebus mite leh Mizpah gam ah Hermon tâng nuai ah Hiv mite kiang in mi a sawl a.

JOSHUA 12:8

tâng gamte, phâijang gamte, Arabah tângpang gamte, gamthip gamte, Negeb gamte, Hitte, Amorte, Kanaante, Perizte, Hivte leh Jebus mite gam zosia hi a la piai:)

JOSHUA 21:45

Lalpa‘n Israelte kiang ah thilpha a tiam zosia kha, pakhat chale a thawn in a um pua’n, a guitung kim chiat hi.

JOSHUA 22:31

Eleazar chapa thiampu Phinehas in, Reubente, Gadte leh Manassehte kiang ah chun, “Tu’ni hin zia thu hin Lalpa chung ah thil phalo bawl ah a la bawlkhial lo la hiziak un, I lak un Lalpa a um tak zet hi ti ka hiau; tu’hin, Lalpa lungnatna khut ah kipat in Israelte chu la hukdok tau ahi,” a ti tai.

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 3:9

Joshua’n Israelte kiang in, “Hung nai unla, Lalpa la Pathian uh thugen hung ngai un,” ti’n a gen a.

JOSHUA 9:1

Tu’hin, Jordan gâl langkhat lam ah tâng gam leh phâi, Tuipi Lian gei jul jul ah kipat Lebanon tiang ah leng um zosia: Hit mite, Kanaan mite, Periz mite, Hiv mite leh Jebus mite chun a chanchin uh a la het phat un,

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 26:6

Ziaphatchun, David in, Hit mi Ahimelekh tawh, Zeruiah chapa Joab suapipa Abishai kiang ah chun, “Nang uh teni lak ah kua zawk la hiu em Saul giakna mun ah ei hung zui ding?” ti’n a dong a. Abishai in, “Ken hun zui ing ka,” ti’n a dawnhu tai.