JOSHUA 24:7 - PATHIAN LEKHABU THIANGTHO (BSI)

⁷ Lungkham tak ah Lalpa a hun ko phat un, Aigupta mite tawh la kikâl un thimpi ka ji’nsak ta’n; chuleh, tuisuagiat tuite’n amau chu a chupmang zo ta’n; Aiguptate chung ah ka thilbawl zosia chu la mit un a mu suak kêi ah. Zia nung ah chun, gamthip ah kum sawtpi la hung châm nalai ui.

JOSHUA 24:7 ပူးပေါင်းရင်းမြစ်များ

PAWTDAWNA THU 14:10

Pharaoh chun a hun del ah a nai phatin, Israelte chu a vak nung et ua: Aigupta mite chu a nung un a hung kizawt dup dup mai tau a. Israelte chu lau talua in Lalpa kiang in a kap jak ziang tau a.

PAWTDAWNA THU 14:20

Aigupta sepaite tawh Israel sepaite kikâl in a hung kikhang tai. Chutichun, sûmpi chu a lang khatte â ding ah thimpi himaleh, amau â dingin jan ah amau salvâktu ahi: a lang khat lam gêl ah umte chu a kizuantua thei him him ta puau hi.

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

DAN LEKHABU 1:46

Tichun, Kadesh mun ah sawt tak la châm tau a.

DAN LEKHABU 2:14

Chun, Kadesh-barnea ah kipat Zered lui ka pal kâi tiang uh chu kum sawmthum leh giat a hita; zia nung ah chun Lalpa‘n gâldo thei zosia a thigam malam ding uh ahi ti thu a la tiam dungzui in, amau khang ah mi zosia chu a thi zo man tau a.

DAN LEKHABU 29:2

Mosi chun Israelte zosia a ko khawm ah, a kiang un zia gual hin a gen ah: La mit mu ngei ua Lalpa‘n Aigupta gam ah, Pharaoh chung leh, a suakte chung leh mi zosiate chung ah a thilbawl zosia,

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

HEBRAITE 3:17

Kuate chung ah a hem kum sawmli lungdamlo ah a um kha? A lak ua gilote gamthip ah a luang uh lumte kha hilo a hiu em?

JOSHUA 5:6

Lalpa thu a ngailo ziak un Israel mipi, Aigupta gam ah kipat hung pawtdok zosia leh a gâldo mi teu tiang ah sukmangthai sik sek ah a um tiang un, Israel suante chu gamthip ah kum sawmli sung zet a vâkvai tau ah. Lalpa‘n a pu leh pateu kiang ah kihaksial ah piak ding ah a la tiamna gampha, khuaizu leh bawngnawi luanna gam chu musak lo dingin a la kitiam tai.