JOSHUA 23:15 - PATHIAN LEKHABU THIANGTHO (BSI)

¹⁵ Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.

JOSHUA 23:15 ပူးပေါင်းရင်းမြစ်များ

1 LENGTE 14:15

Tui in phâiluang a suklîng lîng gual hin, Lalpa chun Israel sual ding a hi’ngal a. Lalpa lungnatna choktho ding ah milimte a kisiam tâk ziak un, a pu leh pateu kiang ah a piak, zia gampha tak ah kipat hin Israel botdok intin, Luipi khêl lam ah thêdal ding ahi.

1 LENGTE 8:56

A thutep dungzui ah a mi Israelte kiang ah chawldamna pia ta, Lalpa chu pâk in um hen; a suak Mosi mangcha’ thutiam pha a la gen zosia lak ah thumal pakhat chale a thawn puai.

ISAI 24:6

Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 32:42

Lalpa‘n zia gual hin a gen ngal a: Zia mipite chung ah siatna zia zozaipi hi ka la tunsak gual gual hin, amau â ding ah thilpha ka la tiamsa zosia hile hun tunsak kit ding ka hi.

JEREMIAH 35:17

A kiang ua ka thu gen a ngai lo ziak leh, ka kona ei dawnhu nop lo ziak un, Judai gam leh Jerusalem khua chêng zosiate chung ah thil phalo, a chung ua tung ding ah ka la gensa chu a chung un hun tunsak ding ka hi.

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.

VAIHAWMTE 13:1

Israelte’n Lalpa mit mu ah thil phalo a bawl kha kit tau ah; tichun, Lalpa‘n Philistinte khut in kum sawmli sung a pedok kit tai.

VAIHAWMTE 3:12

Israelte’n Lalpa mit mu ah thil phalo tak a bawl kît tâk ziak un, Lalpa‘n Moab Lengpa Eglon chu Israelte do dingin a hi’hat tai.

VAIHAWMTE 3:8

Israelte chung ah Lalpa a lungnat ma ma tâk ziakin, Aram-rishathim te Leng Kushan-rishathaim khut in a pedok ta’n; tichun, Israelte chun Kushan-rishathaim na chu kum giat sung a sêm tau hi.

VAIHAWMTE 6:1

Israelte’n Lalpa mit mu ah thilphalo a bawl kit tau a; tichun, Lalpa‘n Midiante khut in kum sagi sung a pedok tai.