JOSHUA 22:5 - PATHIAN LEKHABU THIANGTHO (BSI)

⁵ Lalpa suak Mosi’n, Lalpa la Pathian uh hepi ah, a lampi zosia haw in, la lunggil zosiau leh la thagau zosiau ah ginum tak ah a na sêm chiat dingin thu a hun piakte kha, zia thupiak leh a dan thuguatte chu chingthei tak in zawm phot mai un,” ti’n a gen a.

JOSHUA 22:5 ပူးပေါင်းရင်းမြစ်များ

SAM 106:3

Vaihawmna dik zuite chu mi hampha a hiu in, bangtik lai ah le dik tak ah bawl zingte ngei chu.

SAM 78:7

Pathian ah a kingak ua, Pathian thilbawl dante chu hemil mai lo ah, a thupiakte chu a vop zawk ua;

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 20:6

Himaleh, keima ei hepi ah, ka thupiak zawmte suan chu, a sâng a sângte chung ah lungsiatna chuai lo hilang zing ka hi.

PAWTDAWNA THU 23:13

La kiang ua ka gen zosia hi pha tak in ngai un; pathian dangte min him him sua ki’un la, la kam ua kipat in gitdawsak him him kiu in.

PAWTDAWNA THU 23:25

Lalpa la Pathian uh na la sep ding uh ahi: tichun, la an uh leh la tui uh hun maljawl ding ka hi; chuleh, la lak ua kipat natna lamang ding ka hi.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

ISAI 55:2

An ah ngansia thei lo chawkna’n, bang ding ah dangka mang zo ah, bang ding ah lungkimna ding bawn, tut zo lo ding ah sêmgim la hiu em? Ka thugen hi pha tak in a la ngai unla, an pha chu hung neu inla, an tui tak ne’n kihilim tau in.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

MATTHAI 22:37

Jesu’n a dawnhu a, Lalpa la Pathian chu la lunggil zosia, la hinna zosia leh la ngaituana zosia’n la hepi ding ahi,

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

LUKA 1:74

lau lo ah, a na I sepsak theina ding un, eimau â ding ah a hun phal theina dingin.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 14:15

Nang un lei hepiu leh ka thupiakte jawm in lau.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

DAN LEKHABU 10:20

Lalpa la Pathian uh la lau ding uh ahi’n; ama bep chu la biak ding uh, ama min bep la vop det ua, ama min bep in la kihaksial sek ding uh ahi.

DAN LEKHABU 11:1

Ziaziakchun, Lalpa la Pathian uh chu hepi in, a thu hilte, a dante, a vaihawmna thute leh a thupiakte la zop zing ding uh ahi.

DAN LEKHABU 11:13

Tu’ni ka thu hun piakte zosia la zop ua, Lalpa la Pathian la hepiu ah, la lungthim leh ngaituanau zosia ah ama na bep la sep uh chun:

DAN LEKHABU 11:22

Lalpa la Pathian uh la hepiu ah, a lampi zosia la hawu ah, ama la tukdet zing ua, gunchu tak ah zia ka thupiak zosia hi la zop phot uh chun,

DAN LEKHABU 13:4

Lalpa la Pathian bep uh la zui ua, ama bep la lau ua, a thupiakte bep la zui ua, a aw bep la ngai ua, ama na bep la sep ua, ama bep la tûkchak ding uh ahi.

DAN LEKHABU 4:29

zia kipat chun, Lalpa la Pathian uh chu, la lungthim leh ngaituanau zosia ah, la hun hawl phat ua leh mu kit bep ta’n lau.

DAN LEKHABU 4:4

Lalpa la Pathian uh bêl zing taphot vang, tu’ni tiang hin hing leh dam in la um chiat nau hi.

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

DAN LEKHABU 4:9

La mit ua la muteu chu hemil lo a, la dam sungsiau la lunggil ua la het zing theina ding un, chingthei tak ah kivêng in um phot un; zia thute chu la chateu, la tuteu leh la tusawnteu tiang in hil unla;

DAN LEKHABU 5:10

ei hepi a, ka thupiak zawm taphot, a suan sangkhatna tiang ah le ja’ngaina hi’lang sek chu ka hi ngâl a.

DAN LEKHABU 6:17

Lalpa la Pathian un hi’ding a tite, a thupiakte, a thu hiatsakte leh a dante chu gunchu tak in zawm un.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

JOSHUA 23:8

tu’ni tiang ah la tûkchak gual un, Lalpa la Pathian uh chu tudet zing tau in.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;

1 SAMUEL 12:24

Lalpa chu lau him him phot mai unla, la lunggil zosiau in ama na chu sêm phot mai un; nang uh â ding ah bang gual ah thil lopi hun bawl piak a hem ti ngaitua zing zaw tau in.

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.